PRESS RELIZ
O‘zbekiston Respublikasi Prezidentining 2021-yil 13-apreldagi “Kapital bozorini yanada rivojlantirish chora-tadbirlari to‘g‘risida”gi PF-6207-sonli qaroriga muvofiq, aholining moliyaviy savodxonligini oshirish maqsadida joriy yilning 9-10 mart kunlarida “Toshkent” Respublika fond birjasi “Birja akademiyasi”da “Kapitalni qanday shakllantirish va moliyaviy erkinlikka erishish” mavzusida ikki kunlik bepul vebinar muvaffaqiyatli o‘tkazildi. Vebinarda 40 dan ortiq kishi ishtirok etdi.
Vebinar davomida spikerlar Ilya Korovin va Natalya Smirnova investitsiya portfelini diversifikatsiya qilish va risklarni sug‘urtalash (Xedjirlash) uchun turli moliyaviy vositalardan foydalanishning ahamiyati haqida batafsil so‘zlab berishdi, qimmatli qog‘ozlarning mohiyati va fond bozorida savdo qilish tamoyillarini tushuntirib berishdi. Tadbirning interaktiv qismida ishtirokchilar o‘zlarini qiziqtirgan barcha savollarga xorijlik mutaxassislardan batafsil javob oldilar.
“Toshkent” Respublika fond birjasi “Birja akademiyasi” qiziqish bildiruvchi shaxslar uchun vebinar va seminarlar o‘tkazishni davom ettirish niyatida.