Инвесторлар ва қимматли қоғозлар бозори иштирокчилари диққатига!
"Тошкент" Республика фонд биржаси томонидан аввалги қабул қилинган қарорга кўра, "O’zmetkombinat" АЖ оддий (UZ7021720006) ва имтиёзли (UZ702172K016) акциялари билан фонд биржасида биржа савдолари, котировка нархларининг қисқа вақт ичида кескин икки баробардан ортиқ ўзгариши сабабли, “"Тошкент" РФБда қимматли қоғозлар билан биржа савдо қоидалари”нинг 1687-бандига мувофиқ, тўхтатилган эди. "Тошкент" РФБда қимматли қоғозлар билан биржа савдо қоидалари”нинг 1688-3-банди талабларига мувофиқ ҳолда, нархларнинг кескин ошиши ёки пасайиши холати тўғрисидаги материаллар қимматли қоғозлар бозорини тартибга солиш бўйича ваколатли давлат органига, Ўзбекистон Республикаси Молия вазирлигига юборилди. Ўзбекистон Республикаси Молия вазирлиги, тақдим этилган ҳужжатларни ўрганиш натижалари асосида, "O’zmetkombinat"АЖнинг оддий ва имтиёзли акциялари харакатини очиш тўғрисида қарор қабул қилди. Молия вазирлиги томонидан қабул қилинган қарори ва 2022 йил 9 апрелдаги тегишли топшириғига мувофиқ, "Тошкент" Республика фонд биржаси, "O’zmetkombinat" АЖнинг оддий (UZ7021720006) ва имтиёзли (UZ702172K016) акциялари билан фонд биржасида, биржа савдоларини 2022 йил 12 апрелдан қайта тикланишини маълум қилади. Шу билан бирга, акциядорлар ва инвесторлардан, “O’zmetkombinat” АЖ акциядорларининг, 2022-йил 15-мартдаги навбатдан ташқари умумий йиғилиши томонидан, 2022-йил 1-январ ҳолатига ўтган йиларда жамғарилган фойдани устав капиталини оширишга йўналтириш бўйича қарор қабул қилинганлигини ҳисобга олишларини сўраймиз. Қўшимча акциялар, ушбу қўшимча акциялар давлат рўйхатидан ўтказилган кундан бошлаб 10-кун (ўнинчи кун) ҳолатига шакллантирилган акциядорлар реестрига асосан акциядорлар ўртасида акциялар сонига ва турига мутаносиб равишда 1:10 коэффицентда жойлаштирилади. Акциядорлар ва инвесторлар, қимматли қоғозлар билан, хусусан "O’zmetkombinat" АЖ акциялари билан олди-сотди битимларини амалга оширишда, мавжуд қонунчилик нормалари ва биржа савдоси қоидалари талабларига риоя қилишлари зарурлигини ва амалга оширилган биржа битимлари учун Т+2 ҳисоблаш режимини тадбиқ қилинишини эслатиб ўтамиз.
