Акционерное общество «Bosh Maxsus Konstruktorlik Byurosi - Agromash»

АО «BMКB-Аgromash»

100007, Ташкент, ул. Султанали Машхадий, 210,

100007, Ташкент, ул. Султанали Машхадий, 210,

info@agromash.uz

www.agromash.uz

06

Emitentning yuqori boshqaruv organi tomonidan qabul qilingan qarorlar/Решения, принятые высшим органом управления эмитента/Decisions taken by the Issuer's supreme management agency

Yillik/Годовое/Yearly

16.09.2022

26.09.2022

зал заседаний общества по адресу: город Ташкент, ул. Султонали Машходий, 210

79,42

10.1. Жамиятнинг кузатув кенгаши жамият фаолиятига умумий раҳбарликни амалга оширади, ушбу жамият устави билан акциядорлар умумий йиғилишининг ваколат доирасига киритилган масалаларни ҳал этиш бундан мустасно. 10.2. Кузатув кенгаши ҳар йили қайта сайланадиган 5 та аъзодан ташкил топган. 10.3. Жамият кузатув кенгашининг ваколат доирасига қуйидагилар киради: жамият фаолиятининг устувор йўналишларини белгилаш; акциядорларнинг йиллик ва навбатдан ташқари умумий йиғилишларини чақириш, бундан акциядорлар йиғилиши йиғилиш чақирилишини талаб қилганшахслар шалабига кўра чақирилиш ҳоллари мустасно; акциядорлар умумий йиғилишининг кун тартибини тайёрлаш; акциядорларнинг умумий йиғилиши ўтказиладиган сана, вақт ва жойни белгилаш; акциядорларнинг умумий йиғилиши ўтказилиши ҳақида хабар қилиш учун жамият акциядорларининг реестрини ва умумий йиғилишида қатнашиш хуқуқига эга бўлган акциядорлар реестрини шакллантириш санасини белгилаш; акциядорларнинг умумий йиғилишига жамият уставига ўзгаришлар ва қўшимчалар киритиш ёки жамият уставининг янги тахририни тасдиқлаш ҳақидаги саволларни киритиш; мол-мулкнинг бозор қийматини аниқлашни ташкил этиш; корпоратив маслаҳатчини тайинлаш ва унинг фаолияти тартибини белгиловчи низомни тасдиқлаш, агар жамият уставида бундай лавозимни жорий этиш назарда тутилган бўлса; жамиятнинг келгуси йилга бизнес-режасини жорий йилнинг 1-декабригача кузатув кенгашинингйиғилишида маъқуллаш; ички аудит хизматини ташкил этиш ва унинг ходимларини тайинлаш, шунингдек ҳар чоракда унинг ҳисоботларини эшитиб бориш; жамият ижроия органининг фаолиятига дахлдор ҳар қандай ҳужжатлардан эркин фойдаланиш ва жамият кузатув кенгаши зиммасига юклатилган вазифаларни бажариш учун бу ҳужжатларни ижроия органидан олиш. Жамият кузатув кенгаши ва унинг аъзолари олинган ҳужжатлардан фақат хизмат мақсадларида фойдаланиши мумкин; аудиторлик текширувини ўтказиш тўғрисида (мажбурий аудиторлик текширувидан ташқари), аудиторлик ташкилотини ва унинг хизматларига тўланадиган ҳақнинг энг кўп миқдорини белгилаш ва у билан шартнома тузиш (бекор қилиш) ҳақида қарор қабул қилиш; жамиятнинг тафтиш комиссияси аъзоларига тўланадиган ҳақ ва компенсацияларнинг миқдорлари юзасидан тавсиялар бериш; дивиденд миқдори, уни тўлаш шакли ва тартиби юзасидан тавсиялар бериш; жамиятнинг захира фондидан ва бошқа фондларидан фойдаланиш; жамиятнинг филиалларини ташкил этиш ва ваколатхоналарини очиш; жамиятнинг шўъба ва тобе хўжалик жамиятларини ташкил этиш; Ўзбекистон Республикасининг 2014 йил 7-майда қабул қилинган № ЗРУ-370 сонли «Акциядорлик жамиятлари ва акциядорлар хуқуқларини ҳимоя қилиш” Қонунининг 8 ва 9-бобларида назарда тутилган ҳолларда битимлар тузиш ҳақида қарор қабул қилиш; жамиятнинг тижорат ва нотижорат ташкилотлардаги иштироки билан боғлиқ битимларни қонун ҳужжатларида белгиланган тартибда тузиш; жамиятнинг корпоратив облигацияларини қайтариб сотиб олиш тўғрисида қарор қабул қилиш; жамиятнинг устав фондини (устав капиталини) кўпайтириш масалаларини, шунингдек жамият уставига жамиятнинг устав фондини (устав капиталини) кўпайтириш билан боғлиқ ўзгартиш ва қўшимчалар киритиш тўғрисидаги масалаларни ҳал қилиш; эмиссия рисоласини ва қимматли қоғозлар чиқариш ҳақидаги қарорларни тасдиқлаш арорини қабул қилиш; қимматли қоғозларни ким ошди савдосини ташкил қилиш майдончаларида ҳосил бўлган нархлар конъектурасидан келиб чиқиб, акцияларни жойлаштириш (қимматли қоғозларнинг биржа бозорига ва уюшган биржадан ташқари бозорига чиқариш) нархини белгилаш; жамиятни корпоратив облигацияларни чиқариш ҳақидаги қарорини, жумладан акцияларга айрбошланадиган облигацияларини чиқариш қарорини қабул қилиш; қимматли қоғозларнинг ҳосилаларини чиқариш ҳақидаги қарорни қабул қилиш; Жамият Бош директорини тайинлаш ва унинг ваколатини муддатидан илгари тўхтатиш; Бошқарув раисини тайинлаш танлов асосида хорижий менеджерлар иштироки билан амалга оширилади; жамиятнинг ижроий органига тўланадиган ҳақ ва компенсацияларнинг миқдорларини белгилаш; жамиятнинг йиллик бизнес-режасини тасдиқлаш; жамиятнинг йиллик ҳисоботи акциядорларнинг йиллик умумий йиғилиши ўтказиладиган санадан ўн кундан кечиктирмай жамиятнинг кузатув кенгаши томонидан дастлабки тарзда тасдиқланиши лозим. 10.4. Жамият кузатув кенгашининг ваколат доирасига қонунчилик ва жамиятнинг ушбу уставига мувофиқ бошқа масалаларни ҳал этиш ҳам киритилиши мумкин. 10.5. Жамият кузатув кенгашининг ваколат доирасига киритилган масалалар ҳал қилиш учун жамиятнинг ижроия органига ўтказилиши мумкин эмас. 10.6. Жамият кузатув кенгашининг аъзолари ушбу жамият уставида назарда тутилган тартибда акциядорларнинг умумий йиғилиши томонидан бир йил муддатга сайланади. 10.7. Жамиятнинг кузатув кенгаши таркибига сайланган шахслар чекланмаган тарзда қайта сайланиши мумкин. 10.8. Жамият бошқаруви аъзолари ва директори жамиятнинг кузатув кенгашига сайланиши мумкин эмас. 10.9. Айни шу жамиятда меҳнат шартномаси (контракт) бўйича ишлаётган шахслар жамиятнинг кузатув кенгаши аъзоси бўлиши мумкин эмас. 10.10. Акциялари фонд биржасининг котировал биржа варағига киритилган жамиятнинг кузатув кенгаши таркибида ҳар йили қайта сайланиши мумкин бўлган камида битта мухтор аъзо бўлиши керак. 10.11. Кузатув кенгашининг мухтор аъзоси сифатида қуйидаги шахслар тан олинади: охирги уч йил давомида жамиятда ва (ёки) жамиятнинг аффилланган шахси сифатида ишламаган шахс; жамият акциядори ва (ёки) жамиятнинг аффилланган шахсларининг таъсисчиси (акциядори, қатнашчиси) бўлмаган шахс; жамиятнинг йирик мижози ва (ёки) йирик етказиб берувчиси ва (ёки) жамиятнинг аффилланган шахси билан фуқаролик-хуқуқий муносабатларга эга бўлмаган шахс. Бунда йирик мижоз ва йирик етказиб берувчи сифатида икки минг баробар юқори бўлган энг кам ойлик иш ҳақи суммасига тенг бўлган амалдаги шартномага эга бўлган шахслар тан олинади; жамият ва (ёки) жамиятнинг аффилланган шахслари билан ҳеч қандай келишувларга эга бўлмаган шахслар, кузатув кенгашининг вазифалари ва функцияларини бажаришни таъминлаш билан боғлиқ бўлган келишувлар бундан истисно; охирги уч йил давомида ёки ҳозирда жамият бошқарув органи ва ички назорат органи ва (ёки) жамиятнинг аффилланган шахсларининг турмуш ўртоғи (рафиқаси), ота-онаси (ўғил қилиб боқиб олган, қиз қилиб боқиб олган), фарзанди (ўғил қилиб боқиб олинган, қиз қилиб боқиб олинган), қондош ёки ўгай акаси (укаси) ёки опаси (синглиси) бўлмаган шахс; давлат бошқарув органи ёки давлат корхонаси ходими бўлмаган шахс; 10.12. Энг кўп овоз тўплаган номзодлар жамият кузатув кенгашининг таркибига сайланган деб ҳисобланади. 10.13. Жамият кузатув кенгашининг раиси кузатув кенгаши аъзоларининг умумий сонига нисбатан кўпчилик овоз билан ушбу кенгаш таркибидан кузатув кенгаши аъзолари томонидан сайланади. 10.14. Жамият кузатув кенгашининг раиси унинг ишини ташкил этади, кузатув кенгаши мажлисларини чақиради ва уларда раислик қилади, мажлисларда баённома юритилишини ташкил этади, акциядорларнинг умумий йиғилишида раислик қилади. 10.15. Жамият кузатув кенгашининг раиси бўлмаган тақдирда унинг вазифасини кузатув кенгашининг аъзоларидан бири амалга оширади. 10.16. Жамият кузатув кенгашининг мажлиси кузатув кенгашининг раиси томонидан унинг ўз ташаббусига кўра, жамият кузатув кенгаши, тафтиш комиссияси, ижроия органи аъзосининг, шунингдек овоз берувчи акцияларнинг 1 фоизига эга бўлган акциядорларталабига кўра чақирилади. 10.17. Жамият кузатув кенгашининг мажлисини чақириш ва ўтказиш тартиби жамиятнинг мазкур устави ва акциядорларнинг умумий йиғилиши тасдиқлайдиган “Кузатув кенгаши ҳақида”ги низом билан белгиланади. 10.18. Кузатув кенгаши ўз йиғилишида: -жамиятнинг овоз берувчи акцияларининг жами камида 1 фоизига эга бўлган акциядорлар; - кузатув кенгашининг ҳар бир аъзоси, жамиятнинг директори ва тафтиш комиссияси таклиф қилган барча саволларни кўриб чиқиши керак. 10.19. Жамият кузатув кенгашининг мажлисини ўтказиш учун кворум жамият уставида белгиланади, бироқ у жамият кузатув кенгашига сайланган аъзоларнинг етмиш беш фоизидан кам бўлмаслиги керак. 10.20. Жамият кузатув кенгаши аъзоларининг сони жамият уставида назарда тутилган миқдорнинг етмиш беш фоизидан кам бўлган тақдирда, жамият кузатув кенгашининг янги таркибини сайлаш учун акциядорларнинг навбатдан ташқари умумий йиғилишини чақириши шарт. Кузатув кенгашининг қолган аъзолари акциядорларнинг бундай навбатдан ташқари умумий йиғилишини чақириш тўғрисида қарор қабул қилишга, шунингдек жамият ижроия органи раҳбарининг ваколатлари муддатидан илгари тугатилган тақдирда, унинг вазифасини вақтинча бажарувчини тайинлашга ҳақлидир. 10.21. Жамият кузатув кенгашининг мажлисида қарорлар ҳозир бўлганларнинг кўпчилик овози билан қабул қилинади. Жамият кузатув кенгашининг мажлисида масалалар ҳал этилаётганда кузатув кенгашининг ҳар бир аъзоси битта овозга эга бўлади. 10.22.Жамият кузатув кенгаши аъзолари томонидан бир овоздан қабул қилинадиган масалалар: - устав фондини (устав капиталини) акцияларнинг номинал қийматини ошириш йўли билан кўпайтириш тўғрисидаги ва жамият уставига тегишли ўзгартишлар киритиш ҳақида; - устав фондини (устав капиталини) қўшимча акцияларни жойлаштириш йўли билан кўпайтириш тўғрисидаги ва жамият уставига ўзгартириш киритиш ҳақида; - аффилланган шахс билан тузилаётган битимни маъқуллаш ҳақида; - акцияларга айирбошланадиган корпоратив облигациялар чиқарилиши; 10.23. Жамият уставида жамият кузатув кенгаши аъзоларининг овозлари тенг бўлган тақдирда кузатув кенгаши томонидан қарор қабул қилишда жамият кузатув кенгаши раисининг ҳал қилувчи овоз ҳуқуқи назарда тутилиши мумкин. 10.24. Жамият кузатув кенгашининг мажлисида баённома юритилади. Кузатув кенгаши мажлисининг баённомаси мажлис ўтказилганидан сўнг ўн кундан кечиктирмай тузилади. 10.25. Жамият кузатув кенгаши мажлисининг баённомаси мажлисда иштирок этаётган жамият кузатув кенгаши аъзолари томонидан имзоланади, улар мажлис баённомаси тўғри расмийлаштирилиши учун жавобгар бўлади. 10.26. Жамият кузатув кенгашининг қарорлари сиртдан овоз бериш йўли билан (сўров йўли билан) жамият кузатув кенгашининг барча аъзолари томонидан бир овоздан қабул қилиниши мумкин. 10.27. Жамият кузатув кенгаши мажлисининг баённомаси имзоланган куни жамиятнинг ижроия органига ижро этиш учун топширилади. Кузатув кенгаши акциядорларнинг умумий йиғилишини чақириш тўғрисида қарор қабул қилган тақдирда мазкур қарор ҳақидаги ахборот жамиятнинг ижроия органига кузатув кенгашининг мажлиси ўтказиладиган куни топширилади. 10.28. Акциядорлар умумий йиғилишининг қарорига кўра жамият кузатув кенгашининг аъзоларига улар ўз вазифаларини бажариб турган давр учун ҳақ тўланиши ва (ёки) кузатув кенгашининг аъзоси вазифаларини бажариш билан боғлиқ харажатларининг ўрни қопланиши мумкин. Бундай ҳақ ва тўловларнинг миқдорлари акциядорларнинг умумий йиғилиши қарорида белгиланади. 10.29. Жамиятнинг кузатув кенгаши аъзолари таркибидан энг мухим саволларни кўриб чиқиш ва кузатув кенгашига тавсиялар тайёрлаш учун қўмиталар тузилиши мумкин. 10.30. Акциялари биржа фондининг котировал биржа варағига киритилган жамият фақатгина мазкур жамиятнинг кузатув кенгаши аъзоларидан тузилган аудит бўйича қўмита тузиши шарт. Жамиятнинг ички аудит хизмати ўз фаолиятига кўра, агар мавжуд бўлса, аудит бўйича қўмитага ҳисобдордир. 10.31. Қўмиталарни шакллантириш ва ишлаш тартиби, уларнинг сони ва таркиби жамиятнинг кузатув кенгаши низоми билан ўрнатилади. 10.32. Кузатув кенгашининг мазкур уставда акс эттирилмаган саволлар бўйича фаолияти тартиби акциядорларнинг умумий йиғилиши томонидан тасдиқланадиган “Кузатув кенгаши ҳақида”ги низом билан белгиланади. XI. Жамиятнинг ижроия органи 11.1. Жамиятнинг кундалик фаолиятига раҳбарлик қилиш ваколати жамиятнинг мазкур устави ва “Жамиятнинг ижроия органи ҳақидаги Низом» билан белгиланадиган Бош директори томонидан амалга оширилади. 11.2 Жамият Бош директори кузатув кенгаши томонидан ишга тайинланади. 11.3. Жамиятнинг ижроия органини тузиш ва унинг ваколатларини муддатидан илгари тугатиш жамиятнинг кузатув кенгаши қарорига кўра амалга оширилади. Кузатув кенгашининг қарорига мувофиқ Бош директорини тайинлаш танлов асосида амалга оширилиши мумкин. 11.4. Жамият Бош директорининг хуқуқ ва мажбуриятлари жамиятнинг мазкур устави ва директорнинг жамият билан бир йил муддатга тузилиб, ҳар йили амал қилиниш муддатини чўзиш ёки тўхтатиш қарори қабул қилинадиган шартнома билан белгиланади. 11.5. Шартнома жамият номидан кузатув кенгаши раиси ёки жамият кузатув кенгаши томонидан ваколатланган шахс томонидан имзоланади. Жамият ва Бош директор томонидан тузиладиган шартномада жамият фаолияти самарадорлигини ошириш бўйича уларнинг мажбуриятлари ва уларнинг жамиятнинг кузатув кенгаши ва акциядорларнинг умумий мажлисига тақдим қилинадиган жамиятнинг йиллик бизнес-режаси бўйича ҳисоботларининг даврийлиги кўзда тутилган бўлиши керак. 11.6. Жамият Бош директори ваколатига жамиятнинг жорий фаолиятига тегишли барча саволлар киради, акциядорларнинг умумий йиғилиши ёки жамиятнинг кузатув кенгаши ваколатига кирадиган саволлар бундан мустаснодир. 11.7. Жамият Бош директори акциядорларнинг умумий мажлиси ва кузатув кенгаши қарорларини бажарилишини ташкил қилади, жамиятни бошқариш бўйича маъмурий – бошқарув фаолиятини амалга оширади, ички тартиб қоидаларини белгилаб, тасдиқлайди, жамиятни кадрлар билан таъминлашга жавоб беради. 11.8. Жамият Бош директори жамият номидан ишончномасиз иш олиб боришга ҳақлидир, жумладан жамият манфаатларини ифодалашга, банкларда ҳисоб-китоб рақамлари ва бошқа турдаги рақамларни очишга, шартнома ва контрактлар, жумладан меҳнат шартномаларини тузишга, жамият номидан битимлар тузишга, шуъба корхона ёки жамият ваколатхоналарига бошқарувчиларни тайинлашга, штатларни тасдиқлашга, жамият ходимларининг барчаси учун бажарилиши мажбурий бўлган буйруқлар ва фармойишлар беришга, жамият номидан судда ваколат беришга, ишончномалар беришга, кириш-чиқиш хатларини юритишга, жамият ходимларидан Жамиятда амал қилинадиган қоида ва низомлар ва меҳнат шартномаси талабларини бажаришларини талаб қилишга ҳақлидир. 11.9. Бош директор ўз ваколатлари доирасида Жамиятнинг жорий фаолиятини бошқаришга, жамият акциядорлари ва Жамият кузатув кенгаши қарорларини бажарилишини ташкил қилиши, Жамитяни ривожлантириш дастур ва бизнес-режаларини ишлаб чиқишни бошқариш, жамият кузатув кенгаши йиллик бизнес-режанинг бажарилиши бўйича ҳар кварталда ҳисобот бериб бориши, фойда олишни таъминлаши, Жамият фаолиятида қонунчиликка риоя қилишни таъминлаши, шартномавий мажбуриятларни бажариши, меҳнат ва технологик интизомга риоя қилишни текшириш, жамият ходимларининг ижтимоий кафолат ва меҳнат мухофазасига риоя қилишларини таъминлаш, Жамиятда бухгалтерия ҳисоботлари ва ҳисоб-китобларининг ҳаққонийлиги ва зарур ҳолатда бўлишлигини таъминлаши, шунингдек жамиятда ходимлари учун ижтимоий кафолат ва меҳнатни мухофаза қилиш талабларига риоя қилинишини назорат қилиши лозим. 11.10. Бош директорга тўланадиган меҳнат ҳақи миқдори жамият фаолиятининг самарадорлиги билан бевосита боғланган бўлиб, шартнома билан белгиланиши лозим. 11.11. Жамият Бош директори вазифасини бошқа ташкилотлардаги бошқарув лавозимларини биргаликда эгаллаб туриши фақат жамиятнинг кузатув кенгаши розилигига кўра йўл қўйилади. 11.12. Кузатув кенгаши жамият Бош директори билан тузилган шартноманидиректор томонидан шартнома шартлари бузилган тақдирда бекор қилиши мумкин. 11. 13. Агар Бош жамият директори жамият уставини қўпол равишда бузган ҳолларида ёки ўз ҳаракатлари (лаёқатсизлиги) билан жамиятга зарар келтирса, жамиятнинг кузатув кенгаши жамият директори билан тузилган шартномани муддатидан илгари бекор қилишга хақлидир. XII. Жамият кузатув кенгаши ва директорининг маъсулияти 12.1. Жамият кузатув кенгашининг аъзолари, жамият Бош директори ўз ҳуқуқларини амалга оширишда ва ўз мажбуриятларини бажаришда жамиятнинг манфаатларини кўзлаб иш тутиши ҳамда белгиланган тартибда жавобгар бўлиши лозим. 12.2. Агар ушбу модда қоидаларига мувофиқ бир нечта шахс жавобгар бўлса, уларнинг жамият олдидаги жавобгарлиги солидар жавобгарлик бўлади. 12.3. Жамиятга зарар етказилишига сабаб бўлган қарорга овоз беришда иштирок этмаган ёки ушбу қарорга қарши овоз берган жамият кузатув кенгаши аъзолари, бошқарув аъзолари жавобгар бўлмайди. 12.4. Жамият ёки у жойлаштирган акцияларнинг ҳаммаси бўлиб камида бир фоизига эгалик қилувчи акциядор (акциядорлар) жамиятга етказилган зарарларнинг ўрнини қоплаш тўғрисидаги даъво билан жамиятнинг кузатув кенгаши аъзоси, Бош директори устидан судга мурожаат қилишга ҳақли. 12.5. Жамият Кузатув кенгашининг, Бош директорининг ваколатлари суд қарорига кўра тўхтатилади, агар суд уни жамиятга мулкий зарар етказишда айбдор деб топса, камида бир йил давомида хўжалик жамиятларда раҳбарлик лавозимларида ишлаши ман қилинади. 12.6. Агар Жамият Кузатув кенгашининг аъзоси, Бош директори, шунингдек ишончли бошқарувчиси янглиштирадиган, ёки аффилланган шахслар ёки уларнинг аффилланган шаслари билан уларнинг фойда олишлари мақсадида битим тузиш учун ва (ёки) йирик битим тузиш қарорини қабул қилишда атайлаб хато қилишлари учун тақдим қилган маълумотлар ёки таклифлар натижасида Жамият Кузатув кенгашининг аъзоси, Бош директори, шунингдек ишончли бошқарувчиси жамиятга етказган зарари учун жавобгарликка тортилиши мумкин. XIII. Жамиятнинг миноритар акциядорлари қўмитаси 13.1. Миноритар акциядорларнинг ҳуқуқлари ва қонуний манфаатларини ҳимоя қилиш мақсадида жамиятда уларнинг орасидан миноритар акциядорларнинг қўмитаси ташкил этилиши мумкин. 13.2. Миноритар акциядорлар қўмитасининг ваколатига қуйидагилар киради: акциядорларнинг умумий йиғилиши ёки жамиятнинг кузатув кенгаши кўриб чиқиши учун киритилаётган йирик битимлар ва аффилланган шахслар билан битимлар тузишга оид масалалар бўйича таклифлар тайёрлашда иштирок этиш; миноритар акциядорларнинг ўз ҳуқуқлари ва қонуний манфаатларини ҳимоя қилиш билан боғлиқ мурожаатларини кўриб чиқиш; қимматли қоғозлар бозорини тартибга солиш бўйича ваколатли давлат органига миноритар акциядорларнинг ҳуқуқлари ва қонуний манфаатларини ҳимоя қилиш тўғрисида мурожаатлар киритиш; қонун ҳужжатларига ва жамиятнинг мазкур уставига мувофиқ бошқа масалаларни кўриб чиқиш. XIV. Жамиятни қайта ташкил этиш ва тугатиш. 16.1. Жамиятни қайта ташкил этиш акциядорлар умумий йиғилишининг қарорига кўра қўшиб юбориш, қўшиб олиш, бўлиш, ажратиб чиқариш ва ўзгартириш шаклида амалга оширилади. 16.2. Қонун ҳужжатларида белгиланган ҳолларда юридик шахсларни қўшиб юбориш, қўшиб олиш ёки ўзгартириш шаклида қайта ташкил этиш фақат ваколатли давлат органларининг розилиги билан амалга оширилиши мумкин. 16.3. Рўйхатдан ўтказувчи орган қайта ташкил этиш натижасида тугатилаётган жамият қимматли қоғозларининг чиқарилиши давлат рўйхатидан ўтказилганлиги бекор қилинганидан, шунингдек у юридик шахсларнинг ягона давлат реестридан чиқарилганидан кейин янгидан вужудга келган юридик шахсларни давлат рўйхатидан ўтказишни амалга оширади. 16.4. Жамиятнинг тугатилиши ҳуқуқ ва мажбуриятларни ҳуқуқий ворислик тартибида бошқа шахсларга ўтказмаган ҳолда жамият фаолиятини тугатишга сабаб бўлади. 16.5. Жамият ихтиёрий равишда тугатилган тақдирда, тугатилаётган жамиятнинг кузатув кенгаши жамиятни тугатиш ва тугатувчини ёки тугатиш комиссиясини (бундан буён матнда тугатувчи деб юритилади) тайинлаш тўғрисидаги масалани акциядорларнинг умумий йиғилиши ҳал қилиши учун олиб чиқади. 16.6. Ихтиёрий равишда тугатилаётган жамият акциядорларининг умумий йиғилиши жамиятни тугатиш ва тугатувчини тайинлаш ҳақида қарор қабул қилади. 16.7. Жамият суднинг қарорига кўра тугатилаётганда тугатувчини тайинлаш қонун ҳужжатларида белгиланган тартибда амалга оширилади. 16.8. Тугатувчи тайинланган пайтдан эътиборан жамият ишларини бошқариш бўйича барча ваколатлар унга ўтади. Тугатувчи тугатилаётган жамият номидан судда иштирок этади. 16.9. Давлат тугатилаётган жамиятнинг акциядори бўлган тақдирда, тугатиш комиссияси тайинланади ва унинг таркибига давлат мулкини тасарруф этишга ваколатли органнинг вакили киритилади. 16.10. Тугатувчи жамиятнинг тугатилиши ҳақида, шунингдек унинг кредиторлари томонидан талабларни баён этиш тартиби ва муддатлари тўғрисида қонун ҳужжатларида белгиланган тартибда оммавий ахборот воситаларида эълон беради. Кредиторлар томонидан талаблар тақдим этиш учун муддат жамиятнинг тугатилиши тўғрисидаги хабар эълон қилинган санадан эътиборан икки ойдан кам бўлмаслиги лозим. 16.11. Тугатилаётган жамиятнинг кредиторлар билан ҳисоб-китоблардан кейин қолган мол-мулки тугатувчи томонидан акциядорлар ўртасида қуйидаги навбат бўйича тақсимланади: биринчи навбатда Ўзбекистон Республикасининг «Акциядорлик жамияти ва акциядорлар хуқуқларини ҳимоя қилиши” Қонунига мувофиқ акциядорларнинг талабларига кўрақайтариб сотиб олиниши лозим бўлган акциялар бўйича тўловлар амалга оширилади; иккинчи навбатда имтиёзли акциялар бўйича ҳисобланган, бироқ тўланмаган дивидендларни ва жамият уставида имтиёзли акциялар бўйича белгиланган тугатиш қийматини тўлаш амалга оширилади; учинчи навбатда тугатилаётган жамиятнинг мол-мулкини оддий акциялар эгалари бўлган акциядорлар ўртасида тақсимлаш амалга оширилади. 16.12. Мол-мулкни ҳар бир навбат бўйича тақсимлаш аввалги навбат бўйича мол-мулк тўлиқ тақсимлаб бўлинганидан кейин амалга оширилади. 16.13. Агар жамиятдаги мавжуд мол-мулк ҳисобланган, бироқ тўланмаган дивидендларни ва жамият уставида белгиланган тугатиш қийматини имтиёзли акцияларнинг эгалари бўлган барча акциядорларга тўлаш учун етарли бўлмаса, мол-мулк имтиёзли акцияларнинг эгалари бўлган акциядорлар ўртасида уларга тегишли акцияларнинг сонига мутаносиб равишда тақсимланади. 16.14. Мол-мулкни тугатиш қийматининг чет эллик инвестор бўлган акциядорга ўтказиладиган қисмини жамият хорижий валютага айирбошлаб бериши шарт. 16.15. Рўйхатдан ўтказувчи орган юридик шахсларнинг ягона давлат реестрига тегишли ёзувни киритган пайтдан эътиборан жамиятни тугатиш тамомланган, жамият эса фаолиятини тугатган деб ҳисобланади. 16.16. Рўйхатдан ўтказувчи орган жамият тугатилганлиги ҳақидаги тегишли ёзувни фақат жамиятнинг қимматли қоғозлари чиқарилишлари давлат рўйхатидан ўтказилганлиги бекор қилинганидан кейингина киритади. XV. Келишмовчиликларни ҳал қилиш 17.1. Акциядорлик жамиятларининг фаолияти, қайта ташкил этилиши ва тугатилиши, шунингдек акциядорлар хуқуқларини ҳимоя қилиш қонунчиликда ўрнатилган тартибга кўра ҳал қилинади.

Нурматов Равшан Хамидуллаевич

Бозоров Усмон Бустонович

Абдуллаев Алишер Абдуллаевич