| 3 |
1. Bank Boshqaruvi raisi S.Annaklichevning Qo‘shimcha aksiyalarni chiqarish shartlari va tartibini tasdiqlash to‘g‘risidagi masalasi yuzasidan axboroti ma’lumot uchun qabul qilinsin. 2. “Biznesni rivojlantirish banki” ATBning nominal qiymati 119,25 (Bir yuz o‘n to‘qqiz so‘m 25 tiyin) so‘m bo‘lgan 22 755 616 440 (Yigirma ikki milliard etti yuz ellik besh million olti yuz o‘n olti ming to‘rt yuz qirq) dona, umumiy qiymati 2 713 607 260 470,00 (Ikki trillion etti yuz o‘n uch milliard olti yuz etti million ikki yuz oltmish ming to‘rt yuz etmish) so‘mlik egasining nomi yozilgan oddiy, hujjatsiz shakldagi qo‘shimcha chiqarilayotgan aksiyalarining joylashtirish tartibi va muomalaga kiritish shartlari quyidagicha belgilansin: - aksiyalar joylashtirilishining usuli: chiqarilayotgan aksiyalar yopiq obuna usuli bilan Bank aksiyadorlarining imtiyozli ravishda olish huquqi qo‘llanilgan holda O‘zbekiston Respublikasi Iqtisodiyot va moliya vazirligiga hamda O‘zbekiston Republikasi Tiklanish va taraqqiyot jamg‘armasiga joylashtiriladi. - aksiyalar joylashtirilishining muddati: aksiyalar vakolatli davlat organi tomonidan davlat ro‘yxatiga olingan kundan boshlab 365 (Uch yuz oltmish besh) kun muddatda joylashtiriladi. - aksiyalarni joylashtirishni boshlash sanasi: aksiyalar qo‘shimcha chiqarilishi to‘g‘risidagi qaror davlat ro‘yxatidan o‘tganligi to‘g‘risidagi ma’lumot va aksiyadorlarning aksiyalarni imtiyozli olish huquqi to‘g‘risidagi bildirishnoma qonunchilikka muvofiq e’lon qilinib, aksiyadorlarning chiqarilayotgan aksiyalarni imtiyozli ravishda olish huquqining amal qilish muddati tugagan kundan keyingi birinchi kun. Agar aksiyalarni joylashtirishni boshlash sanasi dam olish kuniga to‘g‘ri kelsa, unda aksiyalarni joylashtirish keyingi birinchi ish kunida boshlanadi. - aksiyalarni joylashtirishni tugatish sanasi: mazkur chiqarilishdagi so‘nggi aksiyasi joylashtirilgan kun. Biroq aksiyalarni joylashtirishni tugatish sanasi, mazkur chiqarilish vakolatli davlat organi tomonidan davlat ro‘yxatiga olingan kundan boshlab 365 (Uch yuz oltmish besh) kundan oshmasligi lozim. - aksiyalar joylashtirilishining tartibi: aksiyalarni joylashtirish O‘zbekiston Respublikasi qonun hujjatlarida belgilangan tartibda, Qimmatli qog‘ozlar savdosining tashkilotchisi orqali savdo qoidalariga asosan, bitimlar tuzgan holda amalga oshiriladi. Ushbu chiqarilishdagi aksiyalarni joylashtirishda anderrayterlarni jalb qilish ko‘zda tutilmagan. Bank aksiyalarning imtiyozli olish huquqining amal qilish muddati tugaguniga qadar chiqarilayotgan aksiyalar imtiyozli huquqqa ega bo‘lmagan shaxslarga joylashtirilmaydi. Bank aksiyadorlarining imtiyozli olish huquqining amal qilish muddati tugagunidan keyin qolgan aksiyalar O‘zbekiston Respublikasi Iqtisodiyot va moliya vazirligiga hamda O‘zbekiston Republikasi Tiklanish va taraqqiyot jamg‘armasiga joylashtiriladi. - joylashtirilayotgan aksiyalarni olishga bo‘lgan imtiyozli huquqni amalga oshirish tartibi: chiqarilayotgan aksiyalarni joylashtirishda ovoz beruvchi aksiyalarning egalari bo‘lgan aksiyadorlar ularni imtiyozli ravishda olish huquqiga ega. Aksiyador ushbu chiqarilishdagi aksiyalarni o‘ziga tegishli shu turdagi aksiyalar miqdoriga mutanosib miqdorda imtiyozli olish huquqiga ega bo‘ladi. Bank aksiyalarini imtiyozli olish huquqiga ega bo‘lgan shaxslarning ro‘yxati ushbu qimmatli qog‘ozlarni chiqarish to‘g‘risidagi qaror qabul qilingan sana ya’ni 2024-yil 26-sentabr kuni holatiga shakllantirilgan Bank aksiyadorlari reestrining ma’lumotlari asosida tuziladi. Imtiyozli huquq amalga oshirilgan taqdirda, aksiyadorlar aksiyalarning faqat butun miqdorini olishi mumkin. Bank aksiyalarning chiqarilishi davlat ro‘yxatidan o‘tkazilgan sanadan e’tiboran 10 (o‘n) kun ichida ommaviy axborot vositalarida bildirishnomani e’lon qilish orqali o‘zining imtiyozli huquqqa ega bo‘lgan aksiyadorlariga aksiyalarni olishni taklif etadi. Bildirishnoma matnida joylashtirilayotgan aksiyalarning soni, ularni joylashtirish narxi, har bir aksiyador olishga haqli bo‘lgan aksiyalarning sonini aniqlash tartibi, aksiyadorlarning bu huquqi amal qiladigan muddat va uni amalga oshirish tartibi to‘g‘risidagi ma’lumotlar bo‘lishi lozim. Imtiyozli huquqqa ega bo‘lgan aksiyador aksiyalarni olishi to‘g‘risida o‘zining ismi-sharifi (nomi) va yashash joyi (joylashgan yeri), o‘zi oladigan aksiyalarning soni ko‘rsatilgan yozma shakldagi arizani va haq to‘laganlik to‘g‘risidagi hujjatni Bankka (Bankning Bosh ofisi, filiallari yoki bank xizmatlari ofislari (markazlari) orqali) yuborish orqali o‘z imtiyozli huquqini to‘liq yoki qisman amalga oshirishga haqli. Bunday ariza mazkur imtiyozli huquqning amal qilish muddati ichida Bankka (Bankning Bosh ofisi, filiallari yoki bank xizmatlari ofislari (markazlari) orqali) taqdim etilishi kerak. Aksiyadorlarning aksiyalarni imtiyozli olish huquqi bildirishnoma e’lon qilingan paytdan e’tiboran 10 (o‘n) kun davomida amal qiladi. Imtiyozli huquqning amal qilish muddati, agar bu muddat o‘tguniga qadar Bankning barcha aksiyadorlaridan imtiyozli huquqdan foydalanish to‘g‘risida yoki undan foydalanishdan voz kechish haqida yozma ravishda arizalar olingan bo‘lsa, tugaydi. Imtiyozli huquqdan boshqa shaxs foydasiga voz kechishga yo‘l qo‘yilmaydi; Imtiyozli huquqning amal qilish muddati tugaganidan keyin qolgan aksiyalar mazkur qarorda belgilangan tartibda joylashtiriladi. - aksiyalar bahosi (baholari) yoki joylashtirish bahosini belgilash tartibi: Ushbu chiqarilishdagi aksiyalar nominal qiymatda 119,25 (Bir yuz o‘n to‘qqiz so‘m 25 tiyin) so‘mdan joylashtiriladi. - aksiyalarni to‘lash shartlari va tartibi: Aksiyalar uchun to‘lovlar O‘zbekiston Respublikasi milliy valyutasida faqat pul mablag‘lari bilan O‘zbekiston Respublikasi Iqtisodiyot va moliya vazirligi hamda O‘zbekiston Republikasi Tiklanish va taraqqiyot jamg‘armasi tomonidan O‘zbekiston Respublikasi Prezidentining 2024-yil 7-sentabrdagi PQ-312-sonli va PQ-313-sonli qarorlariga muvofiq hamda jalb qilingan investitsiyalar hisobidan naqdsiz shaklda hamda boshqa aksiyadorlar tomonidan naqd va (yoki) naqdsiz shaklda qonunchilikda belgilangan tartibda amalga oshiriladi. Aksiyalar to‘lanishiga kelib tushadigan naqd va (yoki) naqdsiz shakldagi pul mablag‘lari, shu jumladan plastik kartalardagi pul mablag‘lari ko‘chirilishi lozim bo‘lgan Emitentning bank rekvizitlari bank nomi: “Biznesni rivojlantirish banki” aksiyadorlik tijorat banki (qisqa nomi: “Biznesni rivojlantirish banki” ATB), bank manzili: O‘zbekiston Respublikasi, 100011, Toshkent shahri, Navoiy ko‘chasi, 18 A uy., bank tarkibiy bo‘linmasi nomi: “Qimmatli qog‘ozlar bilan ishlash bo‘limi”, bank tarkibiy bo‘linmasi manzili: Toshkent shahri, Navoiy ko‘chasi, 18A uy., bank STIR: 206 916 313, bank hisobvaraqlari: 30318000700001037002 (O‘zbekiston Respublikasi Iqtisodiyot va moliya vazirligi hamda Tiklanish va taraqqiyot jamg‘armasi) va 30312000700001037001 (boshqa aksiyadorlar uchun), bank kodi (MFO): 01037 bo‘yicha qabul qilinadi. O‘zbekiston Respublikasining amaldagi qonunchiligiga muvofiq, aksiyalar uchun to‘langan pul mablag‘lari Bank-emitentning tegishli hisobvaraqlarida hisobi yuritiladi; - aksiyalar chiqarilishi amalga oshmagan yoki haqiqiy emas deb topilgan taqdirda emitent tomonidan aksiyalar to‘lovi sifatida olingan vositalarni qaytarish tartibi: Mazkur chiqarilishdagi aksiyalarning 60 foizidan kam qismi ularni chiqarish to‘g‘risidagi qarorda belgilangan muddatda joylashtirilgan taqdirda mazkur chiqarilish amalga oshmagan deb e’tirof etiladi. Aksiyalar chiqarilishi amalga oshmagan yoki sud tomonidan haqiqiy emas deb topilgan taqdirda, bank tomonidan mazkur holat bo‘yicha rasmiy tarzda ommaviy axborot vositalari orqali, shu jumladan jamiyatning rasmiy veb-saytida (http://www.brb.uz.) hamda Korporativ ma’lumotlar yagona portalida (www.openinfo.uz) e’lon qilinadi. Aksiyalar chiqarilishi amalga oshmagan yoki sud tomonidan haqiqiy emas deb topilgan kundan boshlab, 10 kun mobaynida aksiyalar uchun qabul qilingan to‘lovlar o‘rnatilgan tartibda qaytariladi. 3. Ushbu qarorning bajarilishini nazorat qilish vazifasi Kuzatuv kengashi a’zosi T.N.Xusanov zimmasiga yuklatilsin. |
