Жорий йилнинг 3-7 июнь кунлари “Тошкент” Республика фонд биржаси савдоларида 23 та акциядорлик жамиятининг қимматли қоғозлари билан 247 та битим қайд қилинди. Хафта давомидаги савдолар натижасида 51,43 млн. дона корпоратив  қимматли қоғозлар билан жами 2,91 млрд. сўмлик битимлар амалга оширилди.

Мазкур хафта давомида банклар тармоғига мансуб жамиятлар қимматли қоғозлари билан тузилган битимлар “Тошкент” РФБ савдо айланмаси ҳажмининг 57,1 фоизини ташкил қилди. Амалга оширилган битмлар сони бўйича эса иқтисодиётнинг қурлиш тармоғига мансуб жамиятлар хафта давомида тузилган  битимлар сониниг 39,3 фоизини ташкил қилган бўлса 25,5 фоизи банклар ва 23,5 фоизи саноат корхоналари қимматли қоғозлари билан тузилган битмлар ташкил қилди.

Шунингдек, мазкур хафта давомида Республика товар ҳомашё биржасининг қимматли қоғозлари билан савдолар фаоллашиб, жамиятнинг 111,4 минг дона оддий акцияси билан 860,2 млн. сўмлик 21 та битм қайд қилинди.

Ҳафта давомида савдо айланмаси ҳажми энг юқори бўлган эмитентлар -    “O'zRTXB” АЖ (хафталик савдо айланмасининг 29,6 фоизи), “Ravnaq-bank” ХАТБ (хафталик савдо айланмасининг 29,1 фоизи) ва “Hamkorbank” ATБ  (хафталик савдо айланмасининг 27,3 фоизи) бўлиб, ушбу жамиятлар қимматли қоғозлари билан амалга оширилган битимлар хажми “Тошкент” РФБ ҳафталик савдо айланмасининг 85,6 фоизи ёки 2,5 млрд. сўмни ташкил этди.

Ҳафта давомида биржа савдоларида корпоратив қимматли қоғозлари энг фаол айланган эмитент “Kvarts” АЖ бўлди ва жамиятнинг 19,2 минг дона акцияси билан 53 та битим амалга оширилди. Ундан кейинги ўринларни эса “Qo'qon mexanika zavodi” АЖ бўлиб, жамиятнинг корпоратив  қимматли қоғозлари билан тузилган  битимлар сони, ўгган хафталарда ликвидлилик бўйича етакчи бўлиб келаётган “Qizilqumsement” АЖ қимматли қоғозлари билан тузилган  битимлар сонидан 5 та битимга кўпроқ яъни 46 та битим қайд қилинди (“Qizilqumsement” АЖ - 41 та битим).

Мазкур хафта давомида инвесторлар тоифасига кўра жисмоний шахсларнинг фаоллиги кузатилиб, биржа савдоларида тузилган умумий битимлар сониниг 77,3 фоизи яъни, 191 та битим айнан улар хиссасига тўғри келади.

Шунингдек, мазкур ҳафтада фонд биржасида республикамизнинг 6 та ҳудудида жойлашган акциядорлик жамиятларининг қимматли қоғозлари билан савдо битимлари имзоланди.

Йил бошидан буён “Тошкент” Республика фонд биржасида 80 та акциядорлик жамиятининг корпоратив қимматли қоғозлари билан умумий қиймати  85,42 млрд.  сўм бўлган 16 480 та савдо битими қайд қилинган.