2018 йилнинг 21 – 25 май кунлари «Тошкент» Республика фонд биржаси
савдоларида 10 та акциядорлик жамиятининг акциялари билан 143 та битим қайд
қилиниб, 14,4 млн. дона оддий ва 26,2 минг дона имтиёзли акциялар 11,9 млрд. сўмга сотилди. Ҳафта якунлари
кўра USI индекс кўрсаткичи 1031,27 (▼0.1) пунктни ташкил этди.
Таҳлиллар жами савдо айланмасининг 89,2 фоизи тижорат банклари қимматли
қоғозлари билан амалга оширилган битимлардан иборат бўлганини кўрсатди.
Энг йирик битим 24 май санасида асосий секцияда “Kapitalbank”
АТБ нинг 5.2
млн. дона акцияси билан 5.0 млрд. сўм миқдорида тузилди. Бир дона
акциянинг сотув нархи 950 сўмни ташкил қилди.
Битимлар сони бўйича етакчиликни ўтган ҳафтада “Kvarts” AЖ эгаллаган ҳолда,
унинг 6,5 минг дона акцияси
билан 31,5 млн. сўмлик 40 та битим амалга оширилди. Ундан кейинги ўринларни
эса «Sarbon-Neftegaz» АЖ (14 та битим), «Olmaliq KMK» АЖ (10 та битим) ва
«O'zsanoatqurilishbank» АТБ (10 та битим) эгаллади.
Қимматли қоғозлар билан ўртача кунлик савдо айланмаси ҳисобот даврида 2,37 млрд. сўмни, ўртача битим қиймати эса 83,0 млн. сўмни ташкил этди. Шу билан бирга, ушбу даврда
сотилган бир дона акциянинг ўртача нарх кўрсаткичи 822,4 сўмдан иборат
бўлди.
Қимматли қоғозларнинг номинал нархига нисбатан юқори даражадаги фарқ ЧЭИИ “Toshkentvino kombinati” AЖ акциялари билан тузилган
савдо битимларида кузатилди. Бунда номинал қиймати 4 000 сўм бўлган жамият акцияларининг
савдо кунидаги биржа нархи 90 000 сўмни ташкил этди. Умумий ҳолатда эса
ҳафта давомида 18 та жамиятнинг акциялари билан савдо битимлари номинал
нархидан юқори қийматда тузилди.
Ҳафта давомида савдо айланмаси ҳажми юқори бўлган эмитентларни “Kapitalbank”
АТБ (ҳафталик савдо айланмасининг – 92,6 фоизи ёки 11,0 млрд. сўм) ҳамда “Turkiston”
ХАТБ (6,8 фоиз ёки 0.8 млрд. сўм) ташкил этган ҳолда, савдо айланмасининг 99,7
фоизи (11,8 млрд. сўм) улар ҳиссасини
ташкил этди.
Ўтган ҳафтада инвесторлар тоифасига кўра биржа савдоларида жисмоний шахслар фаоллиги кузатилиб, тузилган умумий битимлар
ҳажмининг – 99,9 фоизи (11,86 млрд. сўм), битимлар сони бўйича эса – 97,2 фоизи (139 дона) айнан улар ҳиссасига тўғри келди.
Шунингдек, ўтган ҳафтада фонд биржасида республикамизнинг 6 та ҳудудида жойлашган листинг компаниялари қимматли
қоғозлари билан савдо битимлари имзоланди. Биржа битимларининг энг юқори ҳажми Тошкент
шаҳридаги (99,6 фоиз) акциядорлик
жамиятлари ҳисобига тўғри келди.
Фонд биржасида йил бошидан буён 124.3 млрд. сўмлик 5 128 та савдо битими қайд қилинди. Ушбу даврда биржа
савдоларида 73 та акциядорлик
жамиятининг 3,47 млрд. дона қимматли қоғозлари сотилган.
