Joriy yilning sentyabr oyida “Toshkent” RFB birja kotirovkalash varag‘ida qanday o‘zgarishlar bo‘ldi?

Sentyabr oyi yakuniga ko‘ra, “Toshkent” RFB birja kotirovkalash varag‘ida 86 ta emitent tomonidan chiqarilgan 144 ta moliyaviy instrument mavjud edi. Shundan:

• 73 ta oddiy aksiya;
• 34 ta imtiyozli aksiya;
• 37 ta obligatsiya.

Hisobot davrida birja kotirovkalash varag‘iga “UzKRI” AJning /IQMK9B10/ obligatsiyalari, “Asia Alliance Bank” ATBning /AAB1B3U/ hamda “Universal bank” ATBning /UNVB1B2U/ AQSh dollarida ifodalangan obligatsiyalari, shuningdek, “Transgazmaxsusqurilish” AJning /TGMQ/ oddiy aksiyalari kiritildi.

Shuningdek, monitoring natijalariga ko‘ra, quyidagi jamiyatlarning qimmatli qog‘ozlari birja kotirovkalash varag‘idan chiqarildi:

“O‘ZBEKKIMYOMASH ZAVODI” AJ /UZHM/;
“Minora qurish ekspeditsiyasi” AJ /MIQE/;
“Yuggazstroy” AJ /YGSY/;
“O‘zbekiston shampani” AJ /UZSA/;
“Qo‘qon neftgaz parmalash ishlari” AJ /QNPI/;
“93-MAXSUS TREST” AJ /MXUS/ — oddiy aksiyalari;
“Toshkentdonmahsulotlari” AJ /TKDM, TKDMP/;
“O‘zagrosug‘urta” AJ /UZAS, UZASP/;
“Neftgazqurilishta’mir” AJ /NGQT, NGQTP/ — oddiy va imtiyozli aksiyalari.

Bundan tashqari, “Sarbon neftegaz” AJning /SANE/ oddiy aksiyalari ixtiyoriy delisting munosabati bilan birja kotirovkalash varag‘idan chiqarildi.