"Тошкент" РФБ веб-сайтида муҳим фактлар ва ҳисоботларни эълон қилиш жараёни Сиз учун янада соддалаштирилмоқда!

2025 йил 1 февралдан бошлаб Ўзбекистон Республикаси Истиқболли лойиҳалар миллий агентлигининг Ягона корпоратив ахборот порталига (www.openinfo.uz) жойлаштириладиган маълумотлар икки веб-сайт маълумотлар базаларининг интеграцияси орқали "Тошкент" Республика фонд биржаси веб-сайтида (www.uzse.uz) автоматик тарзда акс эттирилади.

Функционал қулайликлар:

Шундай қилиб, эмитентлар томонидан www.openinfo.uz порталида эълон қилинган чораклик ва йиллик ҳисоботлар, шунингдек муҳим фактлар www.uzse.uz веб-сайтида автоматик равишда акс эттирилади.

Натижалар:

Ушбу интеграция эмитентларнинг ҳисоботлари ва муҳим фактларини бир вақтнинг ўзида иккита веб-сайтда эълон қилишдаги ортиқча ҳаракатларини бартараф этади, бу эса ахборотни эълон қилиш вақти ва ҳаракатларни сезиларли даражада тежайди ҳамда маълумотларни қайта киритиш билан боғлиқ хатолар эҳтимолини камайтиради.

Эслатма: Ушбу ўзгаришлар фақат эмитентнинг йиллик ва чораклик ҳисоботларини, шунингдек муҳим фактларини эълон қилишга тааллуқлидир. Эмитентлар қолган барча маълумотларни (бошқа эълонларни) белгиланган тартибда "Тошкент" РФБ веб-сайтида ошкор этишлари шарт. Саволлар туғилганда, "Тошкент" РФБ Листинг бўлимига мурожаат қилишингизни сўраймиз.