2018 йилнинг 15 - 19 январ кунлари «Тошкент» Республика фонд биржаси
савдоларида 8 та акциядорлик жамиятининг
қимматли қоғозлари билан 25 та битим қайд қилиниб, 164,3 минг дона акция 29,9
млн. сўмга сотилди.
Таҳлиллар жами савдо айланмасининг 91,8 фоизи тижорат банкларининг қимматли қоғозлари билан амалга оширилган
битимлардан иборат бўлганини кўрсатди. Энг йирик битим 15 январ санасида «Hamkorbank»
ХАТБнинг 57,5 минг дона акцияси билан 8,9 млн. сўм миқдорида тузилди.
Шунингдек, тузилган битимлар сони бўйича етакчиликни «Hamkorbank» АТБ эгаллаган
ҳолда, ҳафта давомида ушбу банкнинг 139,8 минг дона акциялари билан 21,7 млн.
сўмлик 10 та битим амалга оширилди.
Ҳафта давомида савдо айланмаси ҳажми юқори бўлган эмитентларни «Hamkorbank» АТБ (ҳафталик савдо айланмасининг
– 85,0 фоизи), «O'zbekgeofizika» АЖ (7,4 фоизи) ва «Qishloq qurilish bank» АТБ
(6,7 фоизи) ташкил этди. Бу ҳафталик савдо айланмасининг 99,2 фоизини ташкил
этади.
Ўтган ҳафта фонд биржасида республикамизнинг 4 та ҳудудида жойлашган
листинг компаниялари қимматли қоғозлари билан савдо битимлари имзоланди. Биржа
битимларининг энг юқори ҳажми Андижон (85,0 фоиз) ва Тошкент вилоятларидаги (7,4
фоиз) акциядорлик жамиятлари ҳисобига тўғри келди.
Таҳлилларга кўра, фонд биржасида йил бошидан буён 5,2 млрд. сўмлик 31 та
савдо битими қайд қилинди. Ушбу даврда биржа савдоларида 12 та эмитентнинг 28,5
млн. дона қимматли қоғозлари сотилган.