«Тошкент» РФБ ҳафталик савдо айланмаси 27,5 млрд. сўмни ташкил этди
2016 йилнинг 31 октябрь - 4 ноябрь кунлари «Тошкент» Республика фонд
биржаси савдоларида 15 та акциядорлик жамиятининг қимматли қоғозлари билан 77
та битим қайд қилиниб, 33,4 млн. дона акция 27,5 млрд. сўмга сотилди.
Энг йирик битим 4 ноябрь санасида “O'zparavtotrans” АЖнинг 19,9 минг
дона акцияси билан 6,5 млрд. миқдорида тузилди.
Ҳафта давомида савдо айланмаси ҳажми юқори бўлган эмитентларни «O'zparavtotrans»
АЖ (ҳафталик савдо айланмасининг – 23,5 фоизи), «To'ytepa
metall qurilmalari» АЖ (21,3 фоиз), «Uzparta'minot» АЖ (13,1 фоиз), «Savdogarbank» АКБ (11,2 фоиз) ва
«Buxoro ta'mirlash mexanika zavodi» АЖ (11,1 фоиз)
ташкил этди. Бу ҳафталик савдо айланмасининг 80,2 фоизини
ташкил этади.
Ўтган ҳафта фонд биржасида республикамизнинг 8 та ҳудудида жойлашган
листинг компаниялари қимматли қоғозлари билан савдо битимлари имзоланди. Биржа
битимларининг энг юқори ҳажми Бухоро вилоятидаги (52,7 фоиз) ва Тошкент
шаҳардаги (11,2 фоиз) акциядорлик жамиятлари ҳисобига тўғри келди.
Фонд биржасида йил бошидан буён 207,7 млрд. сўмлик 2457 та савдо битими
қайд қилинди. Ушбу даврда биржа савдоларида 116 та эмитентнинг 576,2 млн. дона
қимматли қоғозлари сотилган.
Йил бошидан буён биржа савдо айланмасида тижорат банкларининг қимматли
қоғозлари билан амалга оширилган битимлар ҳажми юқорилигича қолмоқда. Тижорат
банкларининг умумий савдо айланмасидаги улуши 47,0 фоиз ёки
97,7 млрд. сўмни ташкил қилади.