Korrupsiyaga qarshi kurashish

«Toshkent» Respublika fond birjasi AJ faoliyatida korrupsiyaning har qanday shakli va ko‘rinishiga yo‘l qo‘yilmaydi. Birja o‘z faoliyatini qonuniylik, halollik, ochiqlik va shaffoflik tamoyillari asosida amalga oshiradi.

Agar Birja xodimlari tomonidan sodir etilgan korrupsiyaga oid huquqbuzarliklar, manfaatlar to‘qnashuvi yoki boshqa qonunga xilof xatti-harakatlar haqida ma’lumotga ega bo‘lsangiz, shuningdek korrupsiyaviy xavf-xatarlarni keltirib chiqaruvchi holatlar yuzasidan murojaat qilmoqchi bo‘lsangiz, quyidagi aloqa kanallari orqali Birjaga murojaat qilishingiz mumkin.

Murojaat yuborish usullari

Elektron pochta orqali:

compliance@uzse.uz

info@uzse.uz

Telefon orqali:

+998 55 510-03-00 (ichki: 310)

+998 55 500-99-95

Shuningdek, murojaatlarni Birjaning rasmiy veb-saytida ko‘rsatilgan boshqa aloqa kanallari orqali ham yuborishingiz mumkin.

Murojaatlarni ko‘rib chiqish tartibi

Korrupsiyaga oid huquqbuzarliklar hamda boshqa qonunbuzilish holatlari yuzasidan kelib tushgan murojaatlar O‘zbekiston Respublikasi qonunchiligiga hamda Birjaning ichki hujjatlarida belgilangan tartibga muvofiq qabul qilinadi va ko‘rib chiqiladi.

Muhim eslatma

Anonim murojaatlar bo‘yicha murojaat qiluvchi bilan qayta aloqa o‘rnatish imkoniyati mavjud emas. Shu sababli bunday murojaatlar yuzasidan qo‘shimcha ma’lumot so‘rash yoki ularni ko‘rib chiqish natijalari haqida javob taqdim etish imkoni bo‘lmasligi mumkin.

Ko‘rib chiqish uchun qabul qilinadigan murojaatlar

·         Jismoniy va yuridik shaxslardan quyidagi mazmundagi murojaatlar qabul qilinadi:

·         Birja xodimlarining korrupsiyaga oid huquqbuzarliklari to‘g‘risidagi xabarlar;

·         Birja xodimlarining xizmat faoliyatida manfaatlar to‘qnashuvi holatlari to‘g‘risidagi xabarlar;

·         Amaldagi qonunchilikka muvofiq korrupsiyaga qarshi kurashish sohasiga oid boshqa murojaatlar.

Maxfiylik kafolati

Murojaat qiluvchilarning shaxsi hamda taqdim etilgan ma’lumotlarning maxfiyligi O‘zbekiston Respublikasi qonunchiligi va Birjaning ichki hujjatlariga muvofiq kafolatlanadi.

Xalqaro standartlarga muvofiqlik

«Toshkent» Respublika fond birjasi AJ faoliyatida boshqaruv tizimlarini xalqaro standartlar asosida takomillashtirish, korrupsiyaviy xavf-xatarlarning oldini olish hamda xizmatlar sifatini uzluksiz oshirish ustuvor yo‘nalishlardan biri hisoblanadi.

Birjada xalqaro standartlar talablariga muvofiq menejment tizimlari joriy etilgan bo‘lib, ularning muvofiqligi mustaqil sertifikatlash organlari tomonidan tasdiqlangan.

ISO37001:2016 — Korrupsiyaga qarshi menejment tizimi

Sertifikat berilgan sana: 2024-yil 26-yanvar

Mazkur xalqaro standart tashkilotda korrupsiyaga oid xavf-xatarlarni aniqlash, baholash va ularning oldini olishga qaratilgan samarali boshqaruv tizimini joriy etishni nazarda tutadi. Sertifikat Birjada korrupsiyaga qarshi boshqaruv tizimi xalqaro standartlar talablariga muvofiq tashkil etilganini tasdiqlaydi.

ISO 9001:2015— Sifat menejmenti tizimi

Sertifikat berilgan sana: 2023-yil 19-dekabr

Mazkur xalqaro standart xizmatlar sifatini boshqarish, biznes jarayonlarini takomillashtirish hamda mijozlar va bozor ishtirokchilari ehtiyojlarini samarali qondirishga qaratilgan sifat menejmenti tizimini joriy etish bo‘yicha talablarni belgilaydi.

Korrupsiyaga qarshi kurashish va monopoliyaga qarshi tartibga solish boʻyicha qonunchilik va meʼyoriy-huquqiy hujjatlar.

Oʻzbekiston Respublikasining 2008 yil 7 iyuldagi Qonuni, OʻRQ № - 158 «Birlashgan millatlar tashkilotining korrupsiyaga qarshi konvensiyasiga (NEW YORK, 2003 yil 31 oktyabr) Oʻzbekiston Respublikasining qoʻshilishi toʻgʻrisida»;

Oʻzbekiston Respublikasining 2017-yil 3-yanvardagi Qonuni, OʻRQ № - 419 «Korrupsiyaga qarshi kurashish toʻgʻrisida»;

Oʻzbekiston Respublikasining 2021-yil 22-apreldagi Qonuni, OʻRQ № - 684 «Davlat xaridlari toʻgʻrisida»;

Oʻzbekiston Respublikasining 2017-yil 11-sentabrdagi Qonuni, OʻRQ № - 445 «Jismoniy va yuridik shaxslarning murojaatlari toʻgʻrisida»;

Oʻzbekiston Respublikasi Prezidentining 2020-yil 29-iyundagi PF-6013-son farmoni «Oʻzbekiston Respublikasida korrupsiyaga qarshi kurashish tizimini takomillashtirish boʻyicha qoʻshimcha chora-tadbirlar toʻgʻrisida»;

Oʻzbekiston Respublikasi Prezidentining 2019-yil 27-maydagi PF – 5729 -son farmoni «Oʻzbekiston Respublikasida korrupsiyaga qarshi kurashish tizimini yanada takomillashtirish chora-tadbirlari toʻgʻrisida»;

Oʻzbekiston Respublikasi Prezidentining 2022-yil 12-yanvardagi PF – 81 – son farmoni «Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʻgʻrisida»;

Oʻzbekiston Respublikasi Prezidentining 2022-yil 12-yanvardagi PF – 200 – son «Korrupsiyaga qarshi kurashish tizimini yanada takomillashtirish hamda davlat organlari va tashkilotlari faoliyati ustidan jamoatchilik nazorati tizimi samaradorligini oshirish chora-tadbirlari toʻgʻrisida»;

Oʻzbekiston Respublikasining 2023-yil 3-iyuldagi Qonuni, OʻRQ № - 850 «Raqobat toʻgʻrisida»;

Oʻzbekiston Respublikasi Prezidentining 2020-yil 6-iyuldagi PF – 6018 – son farmoni «Raqobat muhitini yanada rivojlantirish va iqtisodiyotdagi davlat ishtirokini qisqartirish boʻyicha qoʻshimcha chora-tadbirlar toʻgʻrisida»;

Oʻzbekiston Respublikasi Vazirlar Mahkamasining 2021-yil 2-martdagi 1-son qarori 114 «Monopoliyaga qarshi komplaens tizimini joriy etish chora-tadbirlari toʻgʻrisida».

«Toshkent» RFB AJning ichki hujjatlari