"Toshkent" Respublika fond birjasida Xalqaro valyuta jamg‘armasi (XVJ) hamda O‘zbekiston Respublikasi Markaziy banki vakillari ishtirokida uchrashuv bo‘lib o‘tdi.

Uchrashuv davomida birja faoliyati, mamlakat kapital bozorining rivojlanish dinamikasi, sohada amalga oshirilayotgan islohotlar hamda bozor infratuzilmasini takomillashtirish bo‘yicha olib borilayotgan ishlar haqida batafsil ma’lumot berildi.

Shuningdek, muloqot chog‘ida O‘zbekiston kapital bozorining joriy holati va rivojlanish istiqbollari, investitsiya muhitini yanada yaxshilash, xalqaro tajribalarni joriy etish, shuningdek bozorning shaffofligi va jozibadorligini oshirishga qaratilgan chora-tadbirlar muhokama qilindi.

Tomonlar kapital bozorini rivojlantirish, investitsiya faolligini rag‘batlantirish hamda xalqaro hamkorlikni kengaytirish masalalari yuzasidan fikr almashdilar.

Mazkur uchrashuv xalqaro moliya institutlari bilan o‘zaro hamkorlikni yanada mustahkamlash va milliy kapital bozorini xalqaro standartlar asosida rivojlantirish yo‘lidagi muhim qadamlardan biri bo‘ldi.