| 1 |
1. Jamiyat aksiyadorlarining yillik umumiy yigʻilishi reglamenti 1-ilovaga muvofiq tasdiqlansin. |
| 2 |
1. Jamiyatning 2023-yil yakunlari boʻyicha aksiyadorlarning yillik umumiy yigʻilishi sanoq komissiyasi tarkibi quyidagicha tasdiqlansin: > Saydaliyev Xusniddin Baxriddin oʻgʻli – Sanoq komissiyasi raisi; > Shukurullayev Ahmadillo Mirzohidjon oʻgʻli – Sanoq komissiyasi a’zosi; > Kamolov Akbarali Moʻminjon oʻgʻli – Sanoq komissiyasi a’zosi |
| 3 |
1. Jamiyat Boshqaruv raisining 2023-yil yakuni boʻyicha biznes-reja parametrlarini bajarilishi va yil davomida olib borilgan ishlar yuzasidan bergan hisoboti tasdiqlansin. 2. Jamiyat Boshqaruviga: * 2024-yil uchun belgilangan Biznes rejadan kelib chiqib, jamiyat faoliyatini samarali tashkil etish hamda belgilangan asosiy koʻrsatkich va parametrlarni bajarilishini taʼminlash; * jamiyat kredit portfelining doimiy diversifikatsiyasini amalga oshirish maqsadida mikrokreditlash doirasini kengaytirish; * jamiyat kapitali monandligini taʼminlash, uning likvidlilik va resurs bazasini mustahkamlash, jumladan amaldagi iqtisodiy meʼyorlarga amal qilish; * jamiyatning mikromoliyaviy xizmatlarni koʻrsatish boʻyicha chora-tadbir ishlab chiqqan holda yangi va zamonaviy texnologiyalarni joriy qilish, jumladan masofadan xizmat koʻrsatish tizimini sifatli va tezkorligini taʼminlash hamda jamiyat daromadliligini oshirish; * jamiyat tuzilmalarini boshqarishda jahon amaliyotida qoʻllanilayotgan samarali uslublarni qoʻllash kabi ustuvor vazifalarni amalga oshirish topshirilsin. |
| 4 |
1 Jamiyat Kuzatuv kengashining 2023-yilda amalga oshirgan ishlari boʻyicha bergan hisoboti tasdiqlansin. 2. Jamiyat Kuzatuv kengashining 2023-yildagi faoliyati qoniqarli deb topilsin. |
| 5 |
1. Jamiyatning 2023-yil faoliyati yakuni boʻyicha “ASR AUDIT ANDIJON” MCHJ auditorlik tashkilotining xulosasi maʼlumot uchun qabul qilinsin. 2. Jamiyatining 2023-yil yakuni boʻyicha moliyaviy hisobotlari 5-ilovaga muvofiq tasdiqlansin. |
| 6 |
1. Jamiyatning 2024 yildagi faoliyati yakunlari boʻyicha majburiy audit oʻtkazish uchun: - “ASR AUDIT ANDIJON” MCHJ auditorlik tashkiloti O’zbekiston Respublikasi Buxgalteriya xisobining milliy standartiga muvofiq tekshirish maqsadida tanlash va uning xizmati uchun toʻlovning eng yuqori miqdorini 15 000 000 soʻm miqdorida belgilash; - “HLB TASHKENT” MCHJ Auditorlik tashkilotini Moliyaviy xisobotning xalqaro standartiga muvofiq tekshirish maqsadida tanlash va uning xizmati uchun toʻlovning eng yuqori miqdorini 200 000 000 soʻm miqdorida belgilash. 2. Jamiyat Boshqaruv raisiga auditorlik tashkilotlari bilan 2024-yilga moʻljallangan moliyaviy-xoʻjalik faoliyatini majburiy auditorlik tekshiruvidan oʻtkazish boʻyicha shartnomalar tuzish huquqi berilsinm. |
| 7 |
1. Jamiyatning 2023-yil yakuni bo’yicha olingan 2 501 603 101 soʻm 41 tiyin sof foydasi quyidagicha taqsimlansin: - jamiyatning zaxira fondi uchun: 126 603 101 soʻm 41 tiyin - jamiyat aksiyalariga dividend toʻlovi uchun: 2 375 000 000 soʻm 00 tiyin. |
| 8 |
1. Jamiyatning 2023-yil yakunlari boʻyicha jamiyat aksiyalariga dividend toʻlovlari uchun jami 2 375 000 000 soʻm 00 tiyin ajratilsin. 2. Jamiyat aksiyadorlariga dividend toʻlovlari quyidagi tartibda amalga oshirilsin: aksiyalar nominal qiymatining - 32,9% miqdorida, yaʼni har bir aksiyaga 329,68 soʻmdan dividend toʻlovi amalga oshirilsin. dividend olish huquqiga ega boʻlgan aksiyadorlar roʻyxati 2024-yil 26 yanvar kuniga shakllantirilgan aksiyadorlar reestriga asosan amalga oshirilsin. * jamiyat dividendlarini toʻlash naqd pul mablagʻi koʻrinishida yoki pul oʻtkazish yoʻli bilan amalga oshirilsin. * dividend toʻlovlarini boshlash sanasi – 2024-yil 01-fevraldan, tugash sanasi - 2024-yil 02-aprelgacha qilib belgilansin |
| 9 |
1. Jamiyatning 2024-yil yarim yillik faoliyati yakuni (30.06.2024y.) holatiga auditor tashkilotining xulosasi olinsin. 2. Jamiyatning 2024-yil yarim yillik faoliyati yakuni (30.06.2024y.) bo’yicha jamiyat sof foydasi hisobidan aksiyadorlariga oraliq dividend toʻlovlari uchun ajratilsin. 3. Jamiyat aksiyadorlariga oraliq dividend toʻlovlari quyidagi tartibda amalga oshirilsin: - taqsimlanadigan dividend miqdori - jamiyat 2024-yil yarim yillik faoliyati yakuni (30.06.2024y.) bo’yicha jamiyat sof foydasining 70% miqdorida, mazkur miqdorning har bir aksiyadorning mavjud aksiyalariga mutanosib ravishda dividend toʻlovi amalga oshirilsin. - dividend olish huquqiga ega boʻlgan aksiyadorlar roʻyxati 2024-yil 30 iyun kuni holatiga shakllantirilgan aksiyadorlar reestriga asosan amalga oshirilsin. - jamiyat dividendlarini toʻlash naqd pul mablagʻi koʻrinishida yoki pul oʻtkazish yoʻli bilan amalga oshirilsin. - dividend toʻlovlarini boshlash sanasi – 2024-yil 30-iyundan, tugash sanasi - 2024-yil 21-avgustgacha qilib belgilansin. 3. Jamiyat Boshqaruv raisi zimmasiga jamiyat aksiyadorlariga 2024-yil yarim yillik faoliyati yakuni (30.06.2024y.) bo’yicha belgilangan aksidorlar umumiy yig’ilishi qaror ijrosini ta’minlash va aksiyadorlarga dividend to’lovlarini amalga oshirish vazifasi yuklatilsin |
| 10 |
1. Jamiyatning 2024-2026 yillar uchun rivojlanish bo’yicha ishlab chiqilgan strategiyasi 6-ilovaga muvofiq tasdiqlansin. 2. Jamiyat Boshqaruv raisi zimmasiga mazkur strategiyasini amalga oshirishda belgilangan ustuvor yo’nalishlarga amal qilish yuklatilsin |
| 11 |
1. Jamiyat Kuzatuv kengashining 2024-yil uchun xarajatlar smetasi 7-ilovaga muvofiq tasdiqlansin va ushbu miqdor doirasida xarajatlarni amalga oshirishga ruxsat berilsin |
