«ТОШКЕНТ» РФБ БИРЖА КОТИРОВКА ВАРАҒИ ТЎҒРИСИДАГИ НИЗОМИ

«Тошкент» РФБ Биржа котировка варағи тўғрисидаги Низоми

    Ушбу Низом Ўзбекистон Республикасининг 12.09.2014 йилдаги №ЎРҚ-375 Қонуни (Ўзбекистон Республикаси қонунлари тўплами, 2014 й., №38, 481-модда) билан тасдиқланган Ўзбекистон Республикасининг янги таҳрирдаги “Биржалар ва биржа фаолияти тўғрисида”ги, 22.07.2008 йилдаги №ЎРҚ-163, “Қиматли қоғозлари бозори тўғрисида”ги (Ўзбекистон Республикаси қонунлари тўплами, 2008 й., № 29-30, 278-модда) Қонунларига, “Устав капитали 500 миллион сўмдан ортиқ бўлган акциядорлик жамиятларини фонд биржасида мажбурий листингдан ўтказиш тартиби тўғрисидаги Низом”га (Ўзбекистон Республикаси Адлия вазирлиги томонидан 01.05.2008 йилда № 1801 рақам билан рўйхатга олинган), бошқа қонунчилик ҳужжатларига, «Тошкент» РФБ Низомига мувофиқ ишлаб чиқилган ҳамда «Тошкент» РФБ биржа котировка варағига киритиш ва унда бўлиш ҳамда қиматли қоғозларни «Тошкент» РФБ биржа котировка варағидан чиқариш тартибларини белгилайди.

I. Умумий қоидалар

1. Мазкур Низомда қуйидаги асосий тушунчалардан фойдаланилади:

Биржа – «Тошкент» Республика фонд биржаси АЖ;

биржа котировка варағи - тегишли «А», «В», «С» ва «Р» тоифалари бўйича Биржа савдоларига қўйилган қиматли қоғозлар рўйхати;

биржа листинги – қимматли қоғозларни, уларни биржа котировка варағига киритган ҳолда қимматли қоғозлар биржа савдосига қўйиш процедураси;

делистинг – эмитентнинг қимматли қоғозларини биржа котировка варағидан чиқариш процедураси;

Биржанинг масъул бўлинмаси – Биржанинг листинг компаниялари билан ишлаш учун жавобгар бўлган штатли бўлинмаси;

биржа котировка варағининг «А» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «В» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «С» тоифаси – эмитентларнинг биржа листингидан ўтган ва мазкур тоифадаги листинг талабларини қаноатлантирадиган қимматли қоғозлари рўйхати;

биржа котировка варағининг «Р» тоифаси – Ўзбекистон Республикаси Президентининг ва/ёки Ўзбекистон Республикаси Вазирлар Маҳкамасининг қарорларига мувофиқ биржа савдоларига қўйиладиган, биржа листингидан ўтган давлат акциялари ва қимматли қоғозлари рўйхати (агар эмитент ва унинг қимматли қоғозлари илгари «А» ёки «В» ёки «С» тоифаларига киритилмаган бўлса);

листинг компаниялари – қиматли қоғозлари биржа котировка варағига киритилган эмитентлар;

Листинг комисияси – Биржанинг қиматли қоғозлар биржа листинги ва делистингини амалга оширадиган комиссияси.

II. Биржа котировка вара ғ ига киритиладиган қиматли қоғозлар

2. Биржа котировка варағига эмитентларнинг давлат рўйхатидан ўтган, Ўзбекистон Республикаси қонунчилиги талабларига мувофиқ чиқарилган, мазкур Низом талабларига жавоб берадиган қимматли қоғозлари киритилади.
3. Ўзбекистон Республикаси норезидентлари томонидан чиқарилган қимматли қоғозлар биржа котировка варағига қонунчиликда кўзда тутилган ҳолларда Ўзбекистон Республикаси Вазирлар Маҳкамаси томонидан ўрнатилган квоталар доирасида киритилади.
4. Биржа котировка варағи ўз ичига эмиссиявий ва ноэмиссиявий қимматли қоғозларни олади.
5. Эмиссиявий қимматли қоғозларга қуйидагилар тааллуқли:

а) Ўзбекистон Республикаси резидентлари томонидан чиқарилган акциялар ва корпоратив облигациялар;

б) Ўзбекистон Республикаси резидентлари томонидан чиқарилган қимматли қоғозларнинг ҳосилалари (эмитентнинг опциони ва қимматли қоғозларга доир фьючерслар);

в) Ўзбекистон Республикаси норезидентлари томонидан қонунчиликда белгиланган тартибда чиқарилган қимматли қоғозлар.

6. Ноэмиссиявий қимматли қоғозларга қуйидагилар тааллуқли:

а) депозит сертификатлари;

б) қонунчиликка мувофиқ бошқа ноэмиссиявий қимматли қоғозлар.

7. Ўзбекистон Республикаси норезидентлари томонидан чиқарилган қимматли қоғозларга депозит тилхатлар – номинал қийматга эга бўлмаган, норезидентнинг тақдим этилаётган муайян миқдордаги қимматли қоғозларига мулк ҳуқуқини тасдиқловчи ҳамда уларнинг эгаларига уларнинг эмитентларидан депозитар тилхатлар эвазига норезидентнинг тегишли миқдорда тақдим этиладиган қимматли қоғозларини олишни ҳамда депозитар тилхатлар эгалари томонидан норезидентнинг тақдим этиладиган қимматли қоғозлари билан мустаҳкамлаб қўйилган ҳуқуқлари билан боғлиқ хизматлар кўрсатиш ҳуқуқини мустаҳкамлаб қўювчи қиматли қоғозларнинг ҳосилалари тааллуқли.
8. Биржа котировка варағи «А», «В», «С» ва «Р» тоифаларга бўлинади.

8-1. Қимматли қоғозлар биржа котировка варағида эмитентларнинг молиявий аҳволи ҳамда уларнинг устав жамғармасининг катталиги ҳамда ушбу Низом билан ўрнатилган бошқа талабларга боғлиқ равишда «А», «В» ва «С» тоифаларга тақсимланади.

8-2. Ўзбекистон Республикаси Президентининг ва/ёки Ўзбекистон Республикаси Вазирлар Маҳкамасининг қарорларига мувофиқ қўйиладиган давлат акциялари ва қимматли қоғозлар, эмитентнинг молиявий аҳволи ва уларнинг қадрлилигини баҳолаш натижалардан қатъи назар биржа котировка варағининг «Р» тоифасига киритилади.

9. Тижорат банкларининг акциялари биржа котировка варағига қонунчиликда белгиланган тартибда ва мазкур Низомга мувофиқ киритилади.

III. Биржа листингини амалга ошириш тартиби

10. Қимматли қоғозларни биржа савдоларига (биржа листингига) «А», «В», «С» ва «Р» тоифалари учун ижозатини амалга ошириш ўз ичига қуйидаги процедураларни олади:

• қимматли қоғозлар эмитентининг унинг қимматли қоғозларини биржа котировка варағига киритиш ҳақидаги аризасини кўриб чиқиш;
• қимматли қоғозлар эмитентининг молявий аҳволинини баҳолаш;
• қимматли қоғозларнинг қадрлилигини баҳолаш;

қимматли қоғозларни биржа котировка варағига киритиш ва уни Биржа Аъзолари эътиборига етказиш.

11. Биржа котировка варағига киритилган қимматли қоғозлар биржа савдоларига қўйилган ҳисобланади.
12. Қимматли қоғозлар биржа котировка варағининг тегишли тоифаларига Листинг комиссиясининг хулосаси асосида Биржа Бошқарувининг қарори билан, ахборотни келгусида Биржанинг расмий сайтида жойлаштирган ҳолда киритилади.

IV. Листинг комиссияларига қўйиладиган талаблар

13. Қимматли қоғозларини биржа котировка варағининг тегишли тоифасига киритиш учун эмитентларга қуйидаги талаблар қўйилади:

«A» тоифаси учун :

а) эмитентнинг устав жамғармасиининг миқдори Ўзбекистон Республикаси Марказий банкининг эмитент тегишли давлат органида акциядорлик жамияти сифатида рўйхатга олинган санадаги курси бўйича 2 млн. АҚШ доллари эквивалентидан кам бўлмаслиги лозим;

б) эмитентнинг акциядорлик жамияти сифатидаги фаолияти муддати, тугалланган сўнгги уч молиявий йилдаги фаолияти якунлари бўйича ижобий молиявий натижалар билан, беш йилдан кам бўлмаслиги;

в) эмитентнинг молиявий-хўжалик фаолияти кўрсаткичларининг Биржа томонидан биржа котировка варағининг мазкур тоифаси учун ўрнатилган меъёрларга мос бўлиши;

г) эмитентнинг эркин муомалада бўлган ва давлатга, давлат акциядорлик, холдинг компанияларига ва хўжалик бирлашмаларига тегишли бўлмаган ҳамда мажбуриятлар юки қийнаб қўймаган акциялари улуши, эмитент томонидан чиқарилган акциялар (free-float) миқдорининг 15% идан кам бўлмаслиги лозим;

д) эмитентнинг корпоратив web-сайти мавжуд бўлиши;

е) эмитент томонидан Биржага аффилланган шахслар рўйхати ва бошқа муҳим маълумотларнинг тақдим этилиши;

ж) эмитентнинг хусусий капиталининг ўлчами устав жамғармаси ўлчамидан 120% дан камни ташкил этмаслиги лозим;

з) ички аудит хизматининг мавжудлиги;

и) корпоратив бошқарув бўйича алоҳида таркибий бўлинманинг мавжудлиги.

«B» тоифаси учун :

а) эмитентнинг устав жамғармасиининг миқдори Ўзбекистон Республикаси Марказий банкининг эмитент тегишли давлат органида акциядорлик жамияти сифатида рўйхатга оилнган санадаги курси бўйича 1 млн. АҚШ доллари эквивалентидан кам бўлмаслиги лозим;

б) эмитентнинг акциядорлик жамияти сифатидаги фаолияти муддати, тугалланган сўнгги икки молиявий йилдаги фаолияти якунлари бўйича ижобий молиявий натижалар билан, уч йилдан кам бўлмаслиги;

в) эмитентнинг молиявий-хўжалик фаолияти кўрсаткичларининг Биржа томонидан биржа котировка варағининг мазкур тоифаси учун ўрнатилган меъёрларга мос бўлиши;

г) эмитентнинг корпоратив web-сайти мавжуд бўлиши;

д) эмитент томонидан Биржага аффилланган шахслар рўйхати ва бошқа муҳим маълумотларнинг (ҳужжатларнинг) тақдим этилиши;

е) эмитентнинг хусусий капиталининг ўлчами устав жамғармаси ўлчамидан 110% дан камни ташкил этмаслиги лозим.

«C» тоифаси учун :

а) эмитентнинг устав жамғармасининг миқдори Ўзбекистон Республикаси Марказий банкининг эмитент тегишли давлат органида акциядорлик жамияти сифатида рўйхатга оилнган санадаги курси бўйича 400 минг АҚШ доллари эквивалентидан кам бўлмаслиги лозим;

б) эмитентнинг акциядорлик жамияти сифатидаги фаолияти муддати, тугалланган сўнгги молиявий йилдаги фаолияти якунлари бўйича ижобий молиявий натижалар билан, икки йилдан кам бўлмаслиги;

в) эмитентнинг молиявий-хўжалик фаолияти кўрсаткичларининг Биржа томонидан биржа котировка варағининг мазкур тоифаси учун ўрнатилган меъёрларга мос бўлиши;

г) эмитентнинг корпоратив web-сайти мавжудлиги;

д) эмитент томонидан Биржага аффилланган шахслар рўйхати ва бошқа муҳим маълумотларнинг (ҳужжатларнинг) тақдим этилиши;

е) эмитентнинг хусусий капиталининг ўлчами устав жамғармаси ўлчамидан 100% дан камни ташкил этмаслиги лозим.

«Р» тоифаси учун :

а) эмитентнинг устав жамғармасининг миқдори Ўзбекистон Республикаси Марказий банкининг эмитент тегишли давлат органида акциядорлик жамияти сифатида рўйхатга оилнган санадаги курси бўйича 400 минг АҚШ доллари эквивалентидан кам бўлмаслиги лозим;

б) Қимматли қоғозлар пакетини реализация қилиш тўғрисидаги Ўзбекистон Республикаси Президенти ва/ёки Ўзбекистон Республикаси Вазирлар Маҳкамаси қарорининг нусхаси;

в) Ўзбекистон Республикаси Даврақобатқўмининг давлат акциялари пакетини биржа савдоларига қўйиш тўғрисидаги қарорининг (буйруғининг) нусхаси;

г) эмитентнинг корпоратив web-сайти мавжудлиги.

V. Қимматли қоғозларни биржа котировка варағига киритиш учун эмитентлар томонидан тақдим этиладиган ҳужжатлар

14. Эмиссиявий қимматли қоғозларни биржа котировка варағига киритиш учун эмитент (қимматли қоғозлар эгаси) Биржага қуйидаги ҳужжатларни тақдим этади:

а) эмитентнинг фирма бланкасида, мазкур Низомнинг №1 иловасига мувофиқ расмийлаштирилган аризаси;

б) таъсис ҳужжатлари ва уларга киритилган ўзгартириш ва қўшимчаларнинг эмитент томонидан тасдиқланган нусхалари;

в) эмитентнинг мазкур Низомнинг №2 иловасида кўрсатилган молиявий ҳисоботи ҳужжатларининг эмитент томонидан тасдиқланган нусхалари:

1) қимматли қоғозлари «А», «В» ва «С» тоифаларига киритилган эмитентлар учун – тугалланган сўнгги учта молиявий йиллар учун;

2) қимматли қоғозлари «Р» тоифасига киритилган эмитентлар учун – охирги ҳисобот даври учун;

г) тугалланган сўнгги учта молиявий йиллар учун аудиторлик хулосаларининг эмитент томонидан тасдиқланган нусхалари («Р» тоифаси учун талаб этилмайди);

д) қимматли қоғозлар ва қимматли қоғозлар эмиссия рисолалари (эмиссиявий қимматли қоғозлар учун) чиқариш тўғрисидаги қарорларнинг нусхалари;

е) ички аудит хизматини ташкил этиш ва Ўзбекистон Республикаси Молия вазирлигининг тегишли сертификатига эга бўлган ички аудит мутахассисларини ходимлар штатига қабул қилиш тўғрисидаги буйруқларнинг эмитент томонидан тасдиқланган нусхалари («А» тоифаси учун);

ж) корпоратив бошқарув бўйича алоҳида таркибий бўлинма ташкил этиш ва уни қиматли қоғозлар бозорини тартибга солиш бўйича ваколатли давлат органининг қимматли қоғозлар бозори мутахассиси малака аттестатига эга бўлган ходимлар штатига қабул қилиш тўғрисидаги буйруқларнинг эмитент томонидан тасдиқланган нусхалари («А» тоифаси учун);

з) корпоратив web-сайтнинг оммавий ахборот воситаси сифатида давлат рўйхатидан ўтганлиги тўғрисидаги гувоҳноманинг нусхаси.

15. Депозит сертификатларни биржа котировка варағига қўшиш учун эмитент (эгалик қилувчи) ушбу Низомнинг 13-бандининг а), б), в) ва г) остбандларида кўрсатилган ҳужжатлардан бўлак, депозит сертификатлар чиқариш учун асос ҳисобланувчи ҳужжат (банкни бошқаришга ваколатли органнинг) нусхасини ҳам тақдим этади.
16. Эмитент (эгалик қилувчи) томонидан тақдим этиладиган ҳужжатларнинг нусхалари унинг томонидан асосий муҳри туширилиб, тегишли мансабдор шахс томонидан “нусха аслига тўғри” деган ёзув киритилган ҳолада, ёзма шаклда тасдиқланади.

Кўрсатилган ҳужжатлар электрон шаклда йўлланган тақдирда, тасдиқлаш қонунчиликда белгиланган тартибда электрон рақамли имзо билан амалга оширлади.

17. Эмитент (эгалик қилувчи ўзи томонидан тақдим этилган ахборотлар ва ҳужжатларнинг ишончлилиги учун жавобгар ҳисобланади.

17.1. Талаб этиладиган ҳужжатлар нотўғри ва/ёки тўлиқсиз тақдим этилган тақдирда, мазкур Низомнинг 14-16-бандларига мувофиқ эмитент томонидан кўрсатилган камчиликлар бартараф этилгунга қадар Биржа тақдим этилган ҳужжатларни кўриб чиқмайди, бу ҳақда Биржа эмитентни ёзма равишда хабардор этади.

18. Биржанинг масъул бўлинмаси эмитент томонидан тўғри расмийлаштирилган ҳужжатларнинг тўлиқ пакети келиб тушган санадан бошлаб 12 иш кунидан ошмаган муддатда:

тақдим этилган молиявий ҳисобот ҳужжатлари асосида эмитентнинг молиявий-хўжалик фаолияти кўрсаткичлари ҳисобини амалга оширади ва уларни Биржа томонидан ўрнатилган нормативларга мувофиқлигини аниқлайди;

Эмитентнинг тўла ҳужжатлари пакетини ва кўрсаткичлар ҳисобини Листинг комиссияси кўриб чиқиши учун тақдим этади

.

19. Листинг комиссия си қуйидагиларни кўриб чиқади :

• аризанинг мазмуни, унда мавжуд бўлган маълумотларнинг кўрсатилган таъсис ҳужжатларидаги ва қимматли қоғозлар чиқариш тўғрисидаги ҳужжатлардаги маълумотларга мос эканлигини;
• устав жамғармаси миқдори, қимматли қоғозларна эгалик қилувчиларнинг ҳуқуқлари кўлами, уларни жойлаштириш ва муомалада бўлиш шартларига тааллуқли таъсис ҳужжатларининг аҳволини;
• эмитентнинг Биржа бўлинмаси томонидан ҳисоб-китоб қилинган молиявий-хўжалик фаолияти кўрсаткичларининг Биржа томнидан ўрнатилган нормативларга мослигини ҳамда балансдаги ва уставдаги устав жамғармаси миқдорининг ўзаро мослигини;
• аудиторлик хулсаларининг мазмунини («А», «В» ва «С» тоифалари учун);
• қимматли қоғозлар чиқариш тўғрисидаги ҳужжатларда кўрсатилган қимматли қоғозларнинг тавсифи, характеристикаси, жойлаштириш, муомалада бўлиш ва узиш шартларини.

20. Листинг комиссияси кўриб чиқиш якунлари бўйича беш иш куни ичида эмитентнинг қимматли қоғозларини биржа котировка варағига киритиш ёхуд киритишни рад этиш тўғрисида Биржа Бошқарувига хулоса киритади.
21. Листинг комиссияси мажлиси баённома билан расмийлаштирилади, у комисиянинг мажлисда қатнашган барча аъзолари томонидан имзоланади.
22. Биржа Бошқаруви Листинг комиссияси мажлиси бўлиб ўтган санадан бошлаб беш иш куни ичида эмитентнинг қимматли қоғозларини биржа котировка варағига киритиш ёхуд киритишни рад этиш тўғрисида қарор қабул қилади, бу ҳақда тегишли қарор қабул қилинган санадан бошлаб уч иш куни ичида эмитентни хабардор қилади.
23. Биржа котировка варағига киритиш рад этилган тақдирда эмитент биржа котировка варағига киритиш учун умумий асосларда такроран мурожаат қилиш ҳуқуқига эга.
24. Биржа котировка варағига киритилган эмитентга тўрттадан кўп бўлмаган белгидан (лотин ҳарфларида) иборат биржа тиккери берилади. Ушбу биржа тиккери ҳар бир эмитент бўйича ягона ҳисобланади ҳамда ахборот ва таҳлилий мақсадларда фойдаланилади.
25. Эмитентнинг қимматли қоғозлари Биржа Бошқаруви қарори асосида биржа котировка варағига киритилган сана биржа савдоларининг бошланиш санаси ҳисобланади.
26. Биржа Бошқарувининг эмитентнинг қимматли қоғозларини биржа котировка варағига киритиш тўғрисидаги қарори ҳақидаги ахборот Биржанинг расмий сайтида эълон қилинади.

VI. Листинг компаниялари қимматли қоғозларининг биржа котировка варағида бўлиш тартиби

27. Биржа котировка варағида бўлиши чоғида листинг компанияси қуйидагиларга мажбур:

• биржа котировка варағининг компания кирувчи тоифаси учун ўрнатилган талабларга мос келиши;
• ҳар гал қимматли қоғозлар чиқариши чоғида, нашр давлат рўйхатидан ўтказилгандан сўнг ўн иш куни ичида, қиммали қоғозлар чиқарилиши тўғрисидаги ҳужжатларни қоғозда ёки электрон шаклда илова қилган ҳолда Биржани хабардор этиши;
• муҳим фактлар ҳақидаги ахборотларни, улар келиши санасидан бошлаб икки иш куни ичида уларни Биржага электрон форматда ошкор этиши;
• Биржага йиллик ҳисоботнинг электрон шаклини, мазкур ҳисоботни солиқ идораларига тақдим этиш муддати тугаган санадан бошлаб беш иш куни ичида тақдим этиши;
• Биржага биринчи чорак, биринчи ярим йиллик ва тўққиз ойлик якунлари бўйича молиявий ҳисоботларнинг электрон шаклини, келгуси ҳисобот давридан бир ой муддат ичида тақдим этиши ҳамда уларни Биржанинг расмий сайтига ЭЦПни қўллаган ҳолда мустақил жойлаштириши;
• Акциядорларнинг йиллик умумий йиғилиши ўтказилгандан сўнг беш иш куни ичида аудиторлик хулосаси нусхасини тақдим этиши.

28. Биржага мазкур Низомнинг 27-бандида кўрсатилган ахборот тақдим этиш эмитент томонидан уни Биржанинг расмий сайтига ЭЦПни қўллаган ҳолда жойлаштириш йўли билан мустақил амалга оширилади.

28-1. Мазкур Низомнинг 27-банди талаблари биржа котировка варағига «Р» тоифаси бўйича киритилган қимматли қоғозларга татбиқ этилмайди.

29. Листинг компанияси томонидан навбатдаги чораклик молиявий ҳисобот тақдим этилган кундан бошлаб ўн иш куни ичида Биржанинг масъул бўлинмаси эмитентнинг молиявий аҳволи кўрсаткичлари ҳисобини ва листинг компанияси қимматли қоғозларининг қадрлилигини баҳолашни амалга оширади ҳамда компаниянинг тегишли тоифалар учун («А», «В» ва «С») мазкур Низом билан ўрнатилган талабларга мослигини аниқлайди.

VII. Қимматли қоғозларнинг биржа котировка варағининг муайян тоифаларида бўлиши тартиби

30. Биржа котировка варағининг тегишли тоифалари учун календарь йили давомида биржа битимлари ҳажми катталиги бўйича талаблар ўрнатилади:

а) «А» тоифаси учун – листинг компаниялари қимматли қоғозлари билан битимлар ҳар календарь йили учун миқдорий ифодада унинг йил бошидаги устав жамғармаси миқдорининг камида 0,5% ини ташкил этиши лозим, шунинг баробарида қимматли қоғозлар билан битимлар ҳар ойда амалга оширилмоғи лозим;

б) «В» тоифаси учун – листинг компаниялари қимматли қоғозлари билан битимлар ҳар календарь йили учун миқдорий ифодада унинг йил бошидаги устав жамғармаси миқдорининг камида 0,3% ини ташкил этиши лозим, шунинг баробарида қимматли қоғозлар билан битимлар ҳар ойда амалга оширилмоғи лозим;

в) «С» тоифаси учун – листинг компаниялари қимматли қоғозлари билан битимлар ҳар календарь йили учун миқдорий ифодада унинг йил бошидаги устав жамғармаси миқдорининг камида 0,2% ини ташкил этиши лозим, шунинг баробарида қимматли қоғозлар билан битимлар ҳар ойда амалга оширилмоғи лозим.

г) «Р» тоифаси учун – листинг компанияларининг қимматли қоғозлар билан биржа битимларининг ҳар календарь йили учун миқдорий ифодадаги ҳажми белгиланмайди.

Башарти календарь йили мобайнида биржа битимлари бўйича ўрнатилган ҳажмлар талаби бажарилмага тақдирда, Биржа эмитентнинг қимматли қоғозларини бошқа тоифага ўтказиш ёки делистинглаш масаласини кўриб чиқишга ҳақли.

VIII. Листинг компанияларининг қимматли қоғозларини биржа котировка варағининг бошқа тоифасига ўтказиш ва делистинглаш

31. Биржа листинг компанияларининг қимматли қоғозларини биржа котировка варағининг бошқа тоифасига, уларнинг молиявий-хўжалик фаолияти кўрсаткичлари ўзгарган ва/ёки биржа листинги тегишли тоифасининг мазкур Низом билан ўрнатилган талабларига мос келмаган чоғда ўтказади.
32. Биржа котировка варағининг янада юқорироқ тоифасига ўтказиш эмитентнинг аризасига кўра Биржа Бошқарувининг Листинг комиссияси хулосаси асосида қабул қилинадиган тегишли қарори асосида амалга оширилади.
33. Биржа котировка варағининг янада қуйироқ тоифасига ўтказиш Биржа Бошқарувининг Листинг комиссиясининг листинг компанияси йиллик молиявий-хўжалик аҳвлои мониторинги натижалари бўйича хулосаси асосидаги қарори билан амалга оширилади.
34. Эмитентга листинг компаниясининг қимматли қоғозларини биржа котировка варағининг бошқа тоифасига ўтказиш тўғрисидаги хабарнома Биржа Бошқаруви қарори қабул қилинган санадан бошлаб уч иш куни ичида жўнатилади.
35. Листинг компаниясининг қимматли қоғозларини делистинглаш Биржа томонидан қуйидаги ҳолатларда амалга оширилади:

• эмитентнинг банкротлик аломатлари мавжуд бўлганда;
• мазкур Низом билан ўрнатилган талаблар бажарилмаганда;
• эмитент ўзининг қимматли қоғозларини биржа котировка варағидан чиқариш тўғрисида сабабларини кўрсатган ҳолда мурожаат қилганда;
• қиматли қоғозларни тартибга солиш бўйича ваколатли давлат органи томонидан қимматли қоғозлар чиқарилиши эмисияси бекор қилинганда;
• йиллик листинг бадали тўланмаганда.

36. Листинг компаниясининг қимматли қоғозларини делистинглаш Биржа томонидан қонунчиликда кўзда тутилган бошқа ҳолатларда ҳам амалга оширилади.
37. Делистинглаш ҳақидаги қарор Биржа Бошқаруви томонидан Листинг комиссиясининг тегишли хулосаси асосида қабул қилинади.
38. Биржа Бошқаруви томонидан делистинглаш тўғрисида қарор қабул қилинган санадан бошлаб уч иш кунидан ошмаган муддатда Биржа эмитентни қабул қилинган қарор ҳақида хабардор этади.

IX. Якуний қоидалар

39. Томонларнинг ушбу Низомга мувофиқ юзага келувчи ўзаро муносабатлари қонунчилик асосида ва Биржанинг ички ҳужжатлари билан тартибга солинади.
40. Эмитент томонидан биржа котировка варағига киритиш ҳақида ариза берилиши чоғида “Тошкент” РФБ биржа котировка варағига киритилган эмитентларнинг листинг бадаллари тўғрисидаги Низом”га мувофиқ тўлов тўланади.
41. Қимматли қоғозлари биржа котировка варағида бўлган чоғда листинг компанияси Биржага эмитентнинг молиявий аҳволи мониторингини ўтказганлиги, унинг қимматли қоғозларининг қадрлилигини баҳолаганлиги учун “Тошкент” РФБ биржа котировка варағига киритилган эмитентларнинг листинг бадаллари тўғрисидаги Низом”га мувофиқ йиллик листинг бадали тўлайди.
42. Биржа Бошқаруви томонидан қимматли қоғозларни биржа котировка варағига киритиш, қимматли қоғозларни биржа котировка варағининг бошқа тоифаларига ўтказиш ҳамда уларни делистинглаш тўғрисида қарор қабул қилинган санадан бошлаб беш иш кунидан кечиктирмасдан ушбу қарор ҳақидаги ахборот Биржанинг расмий сайтида эълон қилинади.
43. Ўзбекистон Республикаси Президентининг ва/ёки Ўзбекистон Республикаси Вазирлар Маҳкамасининг қарорларига мувофиқ «Р» тоифаси бўйича қўйиладиган давлат акциялари ва қимматли қоғозлари тўла ҳажмда сотилгандан сўнг, кўрсатилган қимматли қоғозлар охирги олди-сотди битими тузилган санадан бошлаб биржа котировка варағидан чиқарилади.
44. Ушбу Низомни қўллаш билан боғлиқ низолар қонунчилик томонидан ўрнатилган тартибда ҳал қилинади.
45. Ушбу Низом талабларини бузишда айбдор бўлган шахслар ўрнатилган тартибда жавобгар бўлади.
46. Мазкур Низом қабул қилиниши билан «Тошкент» РФБ ОАЖ бошқарувининг 24.06.2013 йилги № 76 қарори билан тасдиқланган «Тошкент» РФБнинг расмий биржа бюллетени тўғрисидаги Низом ўз кучини йўқотади.