PRESS RELIZ
06.02.2024

2024-yil 6-fevral - “Toshkent” Respublika fond birjasi (RFB) Boshqaruv raisi Georgiy Paresishvili, 2024 yil 30-yanvardan 1-fevralgacha Lyuksemburgda boʻlib oʻtgan Clearstream (GFF) global fondlashtirish va moliya sammitida ishtirok etdi. Ushbu sammit har yili turli mamlakatlardagi Qimmatli qog'ozlar markaziy depozitariylari, fond birjalari, kastodian-banklari va kapital bozori infratuzilmasini boshqa tashkilotlari vakillari ishtirokida o'tkaziladi. Sammit ishtirokchilarga kapital bozori infratuzilmasi, aktivlarni himoya qilish va investorlarning harakatchanligi sohasidagi soʻnggi tendentsiyalar va ishlanmalar bilan tanishish imkoniyatini beradi.

Sammit doirasida Georgiy Paresishvili O‘zbekiston bilan aloqalarni o‘rnatishda bevosita ishtirok etayotgan Clearstream va kastodian banklari vakillari bilan alohida uchrashuvlar o‘tkazdi. Georgiy ular bilan O‘zbekiston Respublikasi Prezidentining 2023-yil 2-sentabrdagi 291-sonli qarori, shuningdek, Istiqbolli loyihalar milliy agentligi (O‘zbekistonda qimmatli qog‘ozlar bozorini tartibga soluvchi organ) tomonidan 2024 yil 29-yanvardan kiritilgan kapital bozori sohasida “Tartibga solish qumdoni” maxsus huquqiy rejimini ta’minlash tartibi to‘g‘risidagi yangi Nizomni muhokama qildi. Har ikkala hujjatning maqsadi zarur huquqiy bazani ta’minlash orqali xorijiy investorlarning O‘zbekiston kapital bozoriga to‘sqinliksiz kirishini ta’minlash, shu bois amaldagi qonunchilik va me’yoriy hujjatlardagi bo‘shliqlarni to‘ldirishdan iborat.

Qayd etilgan hujjatlar va uzoq davom etgan muloqotlar fonida tomonlar hisobvaraqlarni ochish, dastlabki yuridik tahlillarni o‘tkazish va O‘zbekistonning mahalliy bozoriga ulanish imkoniyatlarini sinovdan o‘tkazish jarayonlarini boshlashga kelishib oldilar. Bu Clearstreamning O‘zbekiston kapital bozori bilan ko’prik o‘rnatish jarayonidagi navbatdagi muhim qadamdir.