«Тошкент» РФБ Корпоратив хабарлари
31.03.2017

2017 йилнинг 27 - 31 март кунлари «Тошкент» Республика фонд биржаси савдоларида 13 та акциядорлик жамиятининг қимматли қоғозлари билан 30 та битим қайд қилиниб, 242,2 минг дона акция 177,2 млн. сўмга сотилди.

Таҳлиллар жами савдо айланмасининг 27,1 фоизи транспорт соҳасидаги компанияларнинг қимматли қоғозлари билан амалга оширилган битимлардан иборат бўлганини кўрсатди.

Энг йирик битим 27 март санасида «Olchazor aziya» АЖнинг 3,2 минг дона акцияси билан 97,2 млн. сўм миқдорида тузилди.

Ҳафта давомида савдо айланмаси ҳажми юқори бўлган эмитентларни «Olchazor aziya»  АЖ (ҳафталик савдо айланмасининг – 65,0 фоизи), «Granit» АЖ (27,1 фоиз), «Agrobank» АТБ (2,0 фоиз), «Marg'ilon Fayz savdo kompleksi» АЖ (1,6 фоиз) ва «TOSHKENTVINO KOMBINATI» АЖ (1,0 фоиз) ташкил этди. Бу ҳафталик савдо айланмасининг 96,6 фоизини ташкил этади.

Ўтган ҳафта фонд биржасида республикамизнинг 5 та ҳудудида жойлашган листинг компаниялари қимматли қоғозлари билан савдо битимлари имзоланди. Биржа битимларининг энг юқори ҳажми Тошкент шаҳри (69,5 фоиз)  ва Самарқанд вилоятидаги (27,1 фоиз) акциядорлик жамиятлари ҳисобига тўғри келди.

Қимматли қоғозларнинг номинал нархига нисбатан юқори даражадаги фарқ қуйидаги акциядорлик жамиятларининг акциялари билан тузилган савдо битимларида кузатилди:

1. «SHIFOBAXSH BULOQ» АЖ. Нисбат – 53,54:1. Ушбу акциядорлик жамияти бир дона акциясининг савдо кунидаги биржа нархи 40 000 сўмдан иборат бўлди. Акциянинг номинал қиймати эса 747 сўмни ташкил қилади.

2.  «TOSHKENTVINO KOMBINATI» АЖ. Нисбат – 6,25:1. Ушбу эмитент бир дона акциясининг савдо кунидаги биржа нархи 25 000 сўмдан иборат бўлди. Акциянинг номинал қиймати 4 000 сўмни ташкил қилади.

3. «Olchazor aziya» АЖ. Нисбат – 6,00:1. Ушбу эмитент бир дона акциясининг савдо кунидаги биржа нархи 30 000 сўмдан иборат бўлди. Акциянинг номинал қиймати 5 000 сўмни ташкил қилади.

Шунингдек, ўтган ҳафтада инвесторлар тоифасига кўра биржа савдоларида жисмоний шахслар фаоллиги кузатилиб, тузилган умумий битимлар ҳажмининг – 98,0 фоизи айнан улар ҳиссасига тўғри келди. Таҳлилларга кўра инвестор сифатида жисмоний шахслар энг кўп транспорт соҳасидаги компаниялар акцияларига юқори қизиқиш билдиришган (27,7 фоиз).

Фонд биржасида йил бошидан буён 19,9 млрд. сўмлик 491 та савдо битими қайд қилинди. Ушбу даврда биржа савдоларида 49 та эмитентнинг 136,8 млн. дона қимматли қоғозлари сотилган.