| 1 |
"1. Bank aksiyadorlari umumiy yig‘ilishida kun tartibidagi ovozlarni hisoblash uchun Sanoq komissiyasining quyidagi yangi tarkibi bank aksiyadorlarining navbatdagi yillik umumiy yig‘ilishiga qadar tasdiqlansin: 1.1. Sh. Sharapov – Korporativ boshqaruv xizmati Bo‘lim boshlig‘i; 1.2. I. Usarov – Yuridik departamenti Bo‘lim boshlig‘i; 1.3. D. Omonov – Korporativ boshqaruv xizmati Bo‘lim boshlig‘i. 2. Umumiy yig‘ilishni o‘tkazishda, kun tartibidagi masala bo‘yicha so‘zga chiqish va uni muhokama qilish uchun yig‘ilish Reglamenti 1-ilovaga muvofiq tasdiqlansin. Bunda: kun tartibidagi masala bo‘yicha so‘zga chiqish uchun – 20 daqiqa; kun tartibidagi masalani muhokama qilish uchun – 20 daqiqa; Sanoq komissiyasiga ovozlarni hisoblash uchun – 10 daqiqa vaqt ajratilsin." |
| 2 |
"1. Bank Kuzatuv kengashi va Boshqaruvning yillik hisoboti hamda rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risidagi hisobotlari ma’lumot uchun qabul qilinsin va tasdiqlansin (2, 3 va 4-ilovalar). 2. Bank Boshqaruvi zimmasiga, 2023-2025 yillarga mo‘ljallangan rivojlantirish strategiyasi reja ko‘rsatkichlariga erishish yuzasidan amalga oshirilayotgan ishlarni davom ettirish vazifasi yuklatilsin. 3. Kuzatuv kengashi zimmasiga, mazkur qaror ijrosini nazorat qilish vazifasi yuklatilsin." |
| 3 |
Bankning Moliyaviy hisobotlarning xalqaro standartlari (MHXS) asosidagi “Ernst & Young” MCHJ tashqi auditorlik tashkiloti tomonidan auditdan o‘tkazilgan bankning 2023-yil yakunlari bo‘yicha konsolidatsiyalashgan hisoboti, yillik va moliyaviy hisobotlari tasdiqlansin (5, 6 va 7-ilovalar). |
| 4 |
Bankning yangi tashkiliy tuzilmasi 8-ilovaga muvofiq tasdiqlansin. |
| 5 |
"1. Bank Kuzatuv kengashi a’zolari T. Ishmetov, K. Naseem, S. Zaynutdinov, A.Boboyev va D. Ibragimovlar Kuzatuv kengashi tarkibidan chiqarilsin. 2. Bank Kuzatuv kengashi a’zolari quyidagi tarkibda uch yil muddatga saylansin: Xolmurodov Nozimjon Qosimovich – O‘zbekiston Respublikasi Investitsiyalar, sanoat va savdo vazirligi, vazirning birinchi o‘rinbosari (O‘zbekiston Respublikasi Iqtisodiyot va moliya vazirligi vakili); Fazilkarimov Otabek Rustamovich – O‘zbekiston Respublikasi Iqtisodiyot va moliya vazirligi, vazir o‘rinbosari (O‘zbekiston Respublikasi Iqtisodiyot va moliya vazirligi vakili); Pulatov Alimirzo Xaydarovich– O‘zbekiston Respublikasi Iqtisodiyot va moliya vazirligi, bosh mutaxassisi (O‘zbekiston Respublikasi Iqtisodiyot va moliya vazirligi vakili); - Alexander Picker – mustaqil a’zo; - Ekaterina Trofimova – mustaqil a’zo; - Taron Ganjalyan – mustaqil a’zo; - Rojer J Tomson – mustaqil a’zo. 3. Kuzatuv kengashi tarkibiga yangi saylangan a‘zolar o‘z vazifalariga O‘zbekiston Respublikasi Markaziy banki bilan kelishilgandan so‘ng kirishishi belgilansin." |
| 6 |
Bank Kuzatuv kengashining 2023-yil faoliyati yakuni bo‘yicha foydasi (yoki zarari)ni taqsimlamaslik to‘g‘risidagi takliflariga rozilik berilsin va tasdiqlansin (9-ilova). |
| 7 |
"1. Atabayev Shuhrat Xaldarovich O‘zbekiston Respublikasi aksiyadorlik tijorat Xalq banki Boshqaruvi raisi etib uch yil muddatga saylansin (tayinlansin). 2. Atabayev Shuhrat Xaldarovich bilan tuziladigan shartnomani imzolash vakolati - O‘zbekiston Respublikasi Iqtisodiyot va moliya vaziri o‘rinbosari O.R. Fazilkarimovga berilsin." |
| 8 |
"1. Bank Kuzatuv kengashining 2024-yil 4-iyundagi 11-sonli majlis bayoni bilan ma’qullangan bankning 2024-yil uchun samaradorlikni baholash ko‘rsatkichi (KPI) ma’lumot uchun qabul qilinsin (12-ilova). 2. Yangi tahrirdagi “O‘zbekiston Respublikasi aksiyadorlik tijorat Xalq banki faoliyatining samaradorlik ko‘rsatkichlari (KPI)ni qo‘llash tartibi” tasdiqlansin (13-ilova). 3. Bank Boshqaruvi zimmasiga: 2024-yil uchun Samaradorlikni baholash ko‘rsatkichi (KPI) oz vaqtida va sifatli bajarilishini ta’minlash; bank faoliyati samaradorligini baholash ko‘rsatkichi (KPI) bajarilishi bo‘yicha choraklik hisobotlarni Kuzatuv kengashiga ko‘rib chiqish uchun kiritib borish vazifalari yuklatilsin." |
| 9 |
"1. Bankning 2023-yil yakunlari bo‘yicha korporativ boshqaruv tizimini baholash natijalari qabul qilinsin (14-ilova). 2. Bank Boshqaruvi zimmasiga, Kuzatuv kengashi tavsiyalari va ilg‘or xorijiy tajribalar asosida bankda korporativ boshqaruv tizimini yanada yaxshilash choralarini ko‘rish vazifasi yuklatilsin." |
| 10 |
1. Bankda 2024-yil yakunlari bo‘yicha majburiy auditorlik tekshiruvini o‘tkazish uchun “Ernst & Young” MCHJ tashqi auditorlik tashkiloti tanlansin va uning xizmatlariga to‘lanadigan eng ko‘p haq miqdori 4 739 574 461 so‘m (12 foiz QQS - 507,8 mln bilan birgalikda) etib belgilansin hamda amaldagi qonunchilikda belgilangan talablar asosida u bilan tegishli shartnoma tuzilishi tasdiqlansin. |
| 11 |
"1. “O‘zbekiston Respublikasi aksiyadorlik tijorat Xalq banki Ustaviga kiritilayotgan o‘zgartirishlar” 16-ilovaga muvofiq tasdiqlansin. 2. Bank Boshqaruvi zimmasiga, bank Ustaviga kiritilayotgan o‘zgartirishlarni belgilangan tartibda O‘zbekiston Respublikasi Markaziy bankidan ro‘yxatdan o‘tkazish vazifasi yuklatilsin." |
| 12 |
“O‘zbekiston Respublikasi aksiyadorlik tijorat Xalq banki Kuzatuv kengashining mustaqil a’zoligi uchun tanlov o‘tkazish va nomzodlarni tanlab olish to‘g‘risida”gi Nizom 17-ilovaga muvofiq tasdiqlansin. |
