“Toshkent” Respublika fond birjasi aksiyadorlik jamiyatida birja obligatsiyalarini ro‘yxatdan o‘tkazish, joylashtirish va muomalaga kiritish

TARTIBI

Toshkent - 2023

M U N D A R I J A

I.  Umumiy qoidalar

1.  Mazkur Tartib Oʻzbekiston Respublikasining “Birja va birja faoliyati toʻgʻrisida”gi, “Qimmatli qogʻozlar bozori toʻgʻrisida”gi, “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi qonunlari hamda boshqa qonun hujjatlariga, “Toshkent” RFB birja kotirovkalari toʻgʻrisidagi nizomga, “Toshkent” RFB AJning boshqa ichki hujjatlariga muvofiq, ishlab chiqilgan hamda birja obligatsiyalarini “Toshkent” Respublika fond birjasi aksiyadorlik jamiyatida roʻyxatdan oʻtkazish, joylashtirish va muomalaga kiritish tartibini belgilaydi.

Birja obligatsiyalarining emissiyasi va ularning chiqarilishini (qoʻshimcha chiqarilishini) roʻyxatdan oʻtkazish vakolatli davlat organi bilan kelishilgan holda birja tomonidan tasdiqlangan Tartibga asosan amalga oshiriladi.

2.  Mazkur Tartibda quyidagi asosiy tushunchalardan foydalaniladi:

Birja – “Toshkent” Respublika fond birjasi aksiyadorlik jamiyati;

Birja obligatsiyasi – chiqarilishi fond birjasi tomonidan roʻyxatga olinadigan va fond birjasining kotirovkalash varagʻiga kiritilgan, aksiyadorlik jamiyatlari tomonidan chiqariladigan qarz emissiyaviy qimmatli qogʻoz;

Oferta hujjati (keyingi oʻrinlarda – Oferta) – birja obligatsiyalarini chiqarish shartlarini belgilovchi hujjat;

birja obligatsiyalarini chiqarish dasturi (keyingi oʻrinlarda – Dastur) – Oferta hujjatiga muvofiq, birja obligatsiyalarining bir yoki bir nechta chiqarilishini roʻyxatdan oʻtkazish.

Dastur muntazam qarz olish uchun moslashuvchan vosita boʻlib, emitentga birja obligatsiyalarini joylashtirish yoʻli bilan imkon qadar qisqa vaqt ichida fond bozoridan mablagʻ jalb qilish imkonini beradi va ularning emissiya parametrlari joriy bozor sharoitlariga yoki emitentning ehtiyojlariga toʻgʻridan toʻgʻri mos keladi;

birja obligatsiyalarining alohida emissiyasi – Dasturga kirmaydigan, Ofertaga muvofiq, birja obligatsiyalarini chiqarish;

individual birja identifikatsiya raqami – birja obligatsiyalarining chiqarilishiga (keyingi chiqarilishiga) Birja tomonidan tayinlangan noyob identifikator (birja tikeri);

birja obligatsiyalarining emitenti (keyingi oʻrinlarda – Emitent) – ushbu Tartibga muvofiq, birja obligatsiyalarini chiqaradigan aksiyadorlik jamiyati;

emitentning kredit reytingi – reyting agentligining emitentning muayyan qarz majburiyatining kredit sifati darajasi va uning moliyaviy majburiyatlarini oʻz vaqtida va toʻliq qondirish qobiliyatiga bahosi;

Shartnoma – Fond birjasining kotirovkalash varag‘iga emitentning birja obligatsiyalarini kiritish va mavjudligi toʻgʻrisidagi bitim;

Qimmatli qogʻozlar markaziy depozitariysi – depo hisobvaraqlari boʻyicha emissiyaviy qimmatli qogʻozlarni saqlash, bunday qimmatli qogʻozlarga boʻlgan

huquqlarni hisobga olishning va emissiyaviy qimmatli qogʻozlar harakatining yagona tizimini taʼminlovchi davlat depozitariysi;

birja obligatsiyalarini roʻyxatga olish jurnali – Birja tomonidan roʻyxatga olingan birja obligatsiyalarining chiqarilishlari (qoʻshimcha emissiyalari) roʻyxati;

vakolatli davlat organi – qimmatli qogʻozlar bozorini tartibga solish boʻyicha vakolatli davlat organi.

II.  Birjada birja obligatsiyalarini chiqarish va muomalaga kiritish

xususiyatlari

3.  Birja obligatsiyalarining emissiyasi va ularning chiqarilishini (qoʻshimcha chiqarilishini) roʻyxatdan oʻtkazish ushbu Tartibda nazarda tutilgan xususiyatlarni hisobga olgan holda davlat roʻyxatidan oʻtkazilmasdan amalga oshiriladi.

“Toshkent” RFBning birja kotirovkalari toʻgʻrisida”gi Nizom va “Toshkent” RFBda qimmatli qogʻozlar savdosi qoidalari”da qoʻllaniladigan atama, tushuncha va tartiblar ushbu Tartibda koʻrsatilgan aniq atama, tushuncha va tartiblarga qoʻshimcha ravishda qoʻllaniladi. Shartlar, tushunchalar va tartib-qoidalar ziddiyatli boʻlgan taqdirda, ushbu Tartib qoʻllaniladi.

Birja obligatsiyalarini joylashtirish va muomalaga chiqarish Birja orqali amalga oshiriladi. Birja obligatsiyalarining soʻndirilish muddati bir yildan ortiq boʻlishi mumkin emas.

Birja obligatsiyalari “Stock Market” aksiyalar bozorining “Premium”, “Standart” va “Tranzit”segment toifalariga kiritilgan aksiyadorlik jamiyatlari tomonidan chiqariladi.

III.  Birja obligatsiyalarini chiqarish bosqichlari

4.  Birja obligatsiyalarini chiqarish bosqichlari quyidagi tartiblarni oʻz ichiga

oladi:

a)  emitentning vakolatli boshqaruv organlari tomonidan birja obligatsiyalarini

chiqarish va joylashtirish toʻgʻrisida qaror qabul qilish;

b)    Ofertaga muvofiq, birja obligatsiyalarini chiqarish Dasturini yoki birja

obligatsiyalarining alohida chiqarilishini tasdiqlash;

v) qonun hujjatlariga va ushbu Tartibga asosan qimmatli qogʻozlar chiqarilishi toʻgʻrisidagi axborotni emitent tomonidan oshkor etish;

g) birja obligatsiyalarini joylashtirish;

d) birja obligatsiyalarini chiqarish, joylashtirish va soʻndirish toʻgʻrisidagi hisobotni Birjaga taqdim etish orqali birja obligatsiyalarini chiqarish natijalari toʻgʻrisida bildirishnoma berish.

5.  Birja obligatsiyalari quyidagi talablar asosida chiqariladi:

a)      birja obligatsiyalarini joylashtirish ochiq obuna yoʻli bilan amalga

oshiriladi;

b)  birja obligatsiyalarining emitenti kamida bir yil mavjud boʻlishi kerak;

v) emitentlar soʻngi yil yoki yakunlangan oxirgi chorak yakunlari boʻyicha eʼlon  qilingan  moliyaviy  hisobotlari  bilan  tasdiqlangan  rentabellik,  toʻlovga

qobiliyatlilik, moliyaviy barqarorlik va likvidlilikning ijobiy koʻrsatkichlariga ega boʻlishi kerak;

g) birja obligatsiyalari markaziy depozitariyda hujjatsiz shaklda markazlashgan xolda hisobga olinadi va saqlanadi;

d) birja obligatsiyalari oʻz egalariga, nominal qiymatini yoki nominal qiymatining belgilangan foizini olish huquqidan tashqari boshqa huquqlarni bermaydi.

6.  Birja obligatsiyalarining chiqarilishini (keyingi chiqarilishi) roʻyxatdan oʻtkazish Birja tomonidan emissiya (keyingi chiqarish)ga individual birja identifikatsiya raqamini va uni berish sanasini bergan holda amalga oshiriladi.

7.  Birja kotirovkalash varag‘iga kiritiladigan birja obligatsiyalarining har bir chiqariluvi (qo‘shimcha chiqariluvi) da Birja va emitent o‘rtasida alohida Shartnoma tuziladi.

8.  Bunday birja obligatsiyalarining emitenti Birja va emitentning rasmiy veb-saytlarida, birja obligatsiyalarini joylashtirish (muomalaga kiritish) boshlangan sanadan kamida bir ish kuni oldin eʼlon qilish orqali birja tomonidan tasdiqlangan birja obligatsiyalari Ofertasida mavjud boʻlgan maʼlumotlarga kirishni taʼminlaydi.

9.  Birja obligatsiyalarining emitenti ularni joylashtirish boshlanganidan keyin birja obligatsiyalarini chiqarish toʻgʻrisidagi qarorga va/yoki birja obligatsiyalari Ofertasiga oʻzgartirishlar kiritishga haqli emas.

Birja obligatsiyalari joylashtiriluvi boshlanishidan oldin Birja obligatsiyalarini chiqarish to‘g‘risidagi qarorga va/yoki birja obligatsiyalari Ofertasiga o‘zgartirishlar kiritilgan taqdirda, emitent bu to‘g‘risidagi ma’lumotlarni birja savdolariga qo‘yish to‘g‘risidagi axborot oshkor etiladigan tartib va muddatlarda oshkor qilishi shart.

10.  Birja obligatsiyalarini chiqarish (keyingi chiqarish) toʻgʻrisidagi qarorga va/yoki Oferta hujjatiga oʻzgartirishlar emitentning yozma arizasi asosida kiritiladi, ular Birja tomonidan tasdiqlanganidan soʻng kuchga kiradi.

Birja obligatsiyalarini chiqarish (keyingi chiqarish) toʻgʻrisidagi qarorga va/yoki Oferta hujjatiga oʻzgartirishlar, qoʻshimchalar emitent boshqaruv organining qarori bilan amalga oshiriladi.

11.  Birja obligatsiyalarini chiqarish (keyingi chiqarish) toʻgʻrisidagi qarorga va Oferta hujjatiga oʻzgartirish, qoʻshimchalar kiritish toʻgʻrisidagi qarorni Birja tomonidan tasdiqlashda, emitent Birjaga quyidagi hujjatlarni taqdim etadi:

–         emitentning Birja obligatsiyalarini chiqarish (keyingi chiqarish) toʻgʻrisidagi qaroriga va/yoki Oferta hujjatiga oʻzgartirish, qoʻshimchalar kiritish toʻgʻrisidagi arizasi;

–    birja obligatsiyalarini chiqarish (keyingi chiqarish) toʻgʻrisidagi qarorga va/yoki Ofertaga oʻzgartirishlar kiritish toʻgʻrisida jamiyatning boshqaruv organlari tomonidan ushbu qaror qabul qilinganligini tasdiqlovchi bayonnoma nusxasi yoki bayonnomadan koʻchirma;

–  yagona aksiyador – aksiyadorning tegishli qarori nusxasi yoki koʻchirma;

mazkur Tartib ilovasiga muvofiq shaklda tuzilgan, avval roʻyxatdan oʻtkazilgan qimmatli qogʻozlar chiqarishlariga kiritilgan oʻzgartirishlar va qoʻshimchalar matni taqdim etiladi.

12.  Birja obligatsiyalarini chiqarish (keyingi chiqarish) to‘g‘risidagi qarorga va/yoki Oferta hujjatiga kiritiladigan o‘zgartirishlar, Birja obligatsiyalarini chiqarish to‘g‘risidagi qaror ro‘yxatdan o‘tkazilgunga (tasdiqlangunga) qadar faqat quyidagi hollardagina amalga oshiriladi:

a)       emitentning  korporativ  nomidagi  oʻzgarishlar,  shu  jumladan,  kirill

alifbosidan lotin alifbosiga oʻtkazishdagi oʻzgartirish xolatlarida;

b)     emissiya hajmi, chegirma yoki nominal qiymatning belgilangan foizi (kupon) kabi bozor sharoitlariga bogʻliq boʻlgan individual joylashtirish parametrlarining oʻzgarishi;

d) agar oʻzgartirishlar va (yoki) qoʻshimchalarning kiritilishi Hukumat qarorlari bilan bogʻliq boʻlsa.

13.  Birja savdosiga ruxsat etilgan birja obligatsiyalarini joylashtirishini Birja yoki qimmatli qog‘ozlar bozorini tartibga soluvchi vakolatli davlat organining qarori bilan to‘xtatib turilishi, quyidagi hollarda amalga oshiriladi:

a)      birja obligatsiyalarini chiqarish jarayonida emitent tomonidan qonun hujjatlari, qimmatli qog‘ozlar bozori to‘g‘risidagi me’yoriy-huquqiy hujjatlar va ushbu Tartib talablari buzilganda;

b)   vakolatli davlat organining hisobotlarni taqdim etish va axborotni oshkor etish to‘g‘risidagi ko‘rsatmalari bajarilmaganda (faqat joylashtirish muddati davomida);

v) O‘zbekiston Respublikasi Markaziy banki bank faoliyatini amalga oshirishga berilgan litsenziya chaqirib olinganda (tijorat banklari uchun);

g) emitent birja obligatsiyalarini chiqarish to‘g‘risidagi qarori va Oferta hujjati bilan tanishib chiqish joyi va tartibi bo‘yicha ma’lumotlar Korporativ axborot yagona portali, birja va emitentning rasmiy veb-saytida oshkor qilinmaganda (faqat joylashtirish muddati davomida);

d)    Birja tomonidan birja obligatsiyalarini joylashtirilishiga ruxsat beruvchi qaror qabul qilishga asos bo‘lgan hujjatlarda noto‘g‘ri ma’lumotlar aniqlangandi;

e)  tegishli sud qarori mavjud bo‘lganda.

Birja savdosiga ruxsat etilgan birja obligatsiyalarini joylashtirish va/yoki muomalasi toʻxtatilganligi toʻgʻrisidagi axborot bir ish kunidan kechektirmay vakolatli davlat organiga yetkazilishi lozim.

14.  Birja savdolariga qoʻyilgan birja obligatsiyalarini joylashtirish va/yoki muomalasini tiklash qaror qabul qilgan organning qaroriga koʻra amalga oshiriladi.

15.  Emitent birja obligatsiyalarini joylashtirish ularni chiqarish toʻgʻrisidagi qarorda belgilangan muddatda, biroq birja obligatsiyalarini joylashtirish boshlangan kundan eʼtiboran bir oydan kechiktirmay yakunlanishi shart.

16.  Birja obligatsiyalari muomalasi ular toʻliq joylashtirilmagunga va ularning

haqi toʻliq toʻlanmagunga qadar taqiqlanadi.

IV.  Birja obligatsiyalarini listingga kiritish va joylashtirishga ruxsat

berish tartibi.

17.  Birja obligatsiyalarini listingga qoʻyish tartibi “Toshkent” RFB birja kotirovkalari toʻgʻrisidagi” Nizom va mazkur Tartibda belgilangan talablarga muvofiq amalga oshiriladi va quyidagi bosqichlarni oʻz ichiga oladi:

–    Tartibning 1-ilovasiga muvofiq, taqdim etilgan hujjatlar bilan birgalikda Ofertani roʻyxatdan oʻtkazish va emitentning birja obligatsiyalarini birja kotirovkalash varagʻiga kiritish toʻgʻrisidagi arizasini Birja tomonidan koʻrib chiqish;

–   Tartibning 2-ilovasiga muvofiq, emitentning qimmatli qogʻozlar boʻyicha Ofertasini elektron yoki qogʻoz shaklda koʻrib chiqish.

–     3-ilovaga muvofiq, qimmatli qogʻozlar emitentining moliyaviy holatini baholash.

18.  Birja Listing komissiyasi Birja Boshqaruviga Ofertani roʻyxatdan oʻtkazish va emitentning birja obligatsiyalarini birja kotirovkalash varagʻiga kiritish yoki asoslantirilgan holda rad etish toʻgʻrisida xulosa taqdim etadi.

19.  Birja boshqaruvi Ofertani roʻyxatdan oʻtkazish va emitentning birja obligatsiyalarini listing komissiyasi xulosasi olingan kundan e’tiboran ikki ish kuni ichida birja kotirovkalash varagʻiga kiritish yoki rad etish toʻgʻrisida qaror qabul qiladi, ushbu qaror bir ish kuni ichida emitentning elektron pochta yoki yuridik manziliga yuboriladi.

Birja tomonidan birja obligatsiyalari boʻyicha Oferta roʻyxatdan oʻtkazilgandan soʻng, emitentga Listing xizmatlari shartnomasining ikki nusxasi va toʻlov uchun hisobvarag‘i yuboriladi

Birja, birja obligatsiyalari chiqarilishini rasmiylashtirish uchun tegishli hujjatlarni Qimmatli qogʻozlar markaziy depozitariysiga, Emitent tomonidan shartnoma imzolangan va birja obligatsiyalari birja kotirovkalari varagʻida boʻlgan davri uchun listing yigʻimi toʻliq olinganidan keyin taqdim etadi.

Birja obligatsiyalarining har bir chiqarilishi “Birja kotirovkalari toʻgʻrisida”gi Nizom va mazkur Tartib talablari asosida listingdan oʻtishi kerak.

Birja, birja obligatsiyalari chiqarilishini rasmiylashtirish uchun emitent yoki anderrayter tomonidan taqdim etilgan hujjatlarda notoʻgʻri maʼlumotlar mavjudligi uchun javobgar boʻlmaydi.

V.  Listing xizmatlari koʻrsatish toʻgʻrisidagi shartnoma

20.  Birja obligatsiyalari birja kotirovkalash varagʻiga birja va emitent oʻrtasida tuziladigan listing xizmatlarini koʻrsatish toʻgʻrisidagi shartnoma (keyingi oʻrinlarda – listing xizmatlari shartnomasi) asosida kiritiladi.

21.  Shartnomaning predmeti birja tomonidan emitentga “Toshkent” RFB birja kotirovkalash varag‘i to‘g‘risida”gi Nizom va ushbu tartib talablariga muvofiq, birja obligatsiyalari Ofertani roʻyxatdan oʻtkazish va birja obligatsiyalarini birja kotirovkalash varagʻigaga kiritish boʻyicha koʻrsatiladigan listing xizmatlari majmui hisoblanadi.

22.  Yuborilgan shartnoma birja obligatsiyalari emitenti tomonidan imzolanishi va yuqoridagi shartnoma olingan kundan boshlab 30 kalendar kun ichida Birjaga taqdim etishi kerak.

23.  Emitent tomonidan imzolangan shartnomaning ikki nusxasi va birja obligatsiyalari birja kotirovkalari varagʻida boʻlgan davr uchun listing yigʻimi toʻliq olinganidan hamda Markaziy depozitariydan emitentning birja obligatsiyalari roʻyxatdan oʻtkazish toʻgʻrisida bildirishnoma olingandan soʻng, Birja boshqaruv kengashi birja obligatsiyalarni birja kotirovkalari roʻyxatiga kiritish toʻgʻrisida qaror qabul qiladi.

24.  Emitent obligatsiya amal qilish muddati uchun listing yigʻimi toʻlamagan va imzolangan shartnomani belgilangan muddatlarda taqdim etmagan hollarda, emitent yana listingga olish jarayonidan qayta oʻtadi.

25.  Birja boshqaruvining birja obligatsiyalarini birja kotirovkalash varagʻiga kiritish toʻgʻrisidagi qaroriga asosan, birjaning masʼul boʻlinmasi bir ish kunidan kechiktirmay Yagona dasturiy texnik majmuasi (keyingi oʻrinlarda – YADTM) savdo tizimiga birja obligatsiyalari toʻgʻrisidagi maʼlumotlarni kiritadi.

Emitentning birja obligatsiyalarini birja kotirovkalash varagʻiga kiritish sanasi YADTM savdo tizimiga birja obligatsiyalari toʻgʻrisidagi maʼlumotlar kiritilgandan keyingi savdo kuni hisoblanadi.

26.  Birja kotirovkalash varagʻiga kiritilgan birja obligatsiyalari uchun birja obligatsiyalarining har bir chiqarilishiga (muntazam chiqarilishi) Tartibning 4-ilovasiga muvofiq birja tomonidan yagona identifikatsiya raqami va birja kodi beriladi.

Ushbu identifikatsiya raqami har bir emitent uchun yagona boʻlib, axborot va tahliliy maqsadlarda foydalaniladi.

27.  Birja, birja obligatsiyalarini birja kotirovkalash varagʻiga kiritish toʻgʻrisida Birja Boshqaruvi qarori qabul qilingan kundan boshlab ikki ish kuni ichida bu haqda emitentni xabardor qiladi va tegishli maʼlumotlarni oʻzining rasmiy veb-saytida eʼlon qiladi.

28.  Birja kotirovkalash varagʻiga kiritish rad etilgan taqdirda, emitent umumiy asosda birja kotirovkalash varagʻiga kiritish uchun birjaga qayta murojaat qilishga haqli.

VI.  Birja obligatsiyalarini joylashtirish tartibi

29.  Birja obligatsiyalarining chiqarilishi (keyingi chiqarilish) Birja tomonidan roʻyxatdan oʻtkazilgunga qadar taklif qilish yoki joylashtirishga yoʻl qoʻyilmaydi.

Emitent va/yoki anderrayter, emitent bilan tuzilgan shartnomaga binoan birja obligatsiyalarini joylashtirishni amalga oshiruvchi, investorga taklif hujjati va maʼlum bir transhdagi birja obligatsiyalarini joylashtirish shartlari (Oferta shartlari) bilan ularni sotib olishdan oldin tanishish imkoniyatini taʼminlashi shart.

30.  Birja obligatsiyalarini chiqarish parametrlarini hisobga olish, har bir transhning chiqarilishiga individual birja identifikatsiya raqamlarini berish uchun birja elektron shaklda birja obligatsiyalar chiqarilishi reestrini shakllantiradi.

31.  Birja obligatsiyalari quyidagi turlarda muomalaga chiqarilishi mumkin: konvertatsiya qilinmaydigan diskont obligatsiyalar;

konvertatsiya qilinmaydigan foizli (kupon) obligatsiyalar.

32.  Birja obligatsiyalarini chiqarish boʻyicha Ofertada obligatsiya turi, shartlari va ularni soʻndirish muddati koʻrsatiladi.

33.  Birja obligatsiyalarini joylashtirish Birja orqali amalga oshiriladi.

34.  Emissiyaviy qimmatli qogʻozlar hujjatsiz shaklda ular toʻliq toʻlangandan va ularni joylashtirish muddati mobaynida xaridorning depo hisob raqamiga oʻtkazilgandan soʻng joylashtirilgan hisoblanadi.

35.  Birja obligatsiyalarini joylashtirish tugallangan sanadan yoki birja obligatsiyalarini joylashtirish muddati tugagan sanadan keyingi kundan kechiktirmay emitent yoki anderrayter birja obligatsiyalarini joylashtirish natijalari toʻgʻrisidagi maʼlumotlarni emitentning rasmiy veb-saytida oshkor qilishi va bu haqda birjani xabardor qilishi shart.

36.  Emitent yoki anderrayter Birjaga birja obligatsiyalarini chiqarish, joylashtirish va soʻndirish natijalari toʻgʻrisidagi hisobotning nusxasini yuboradi.

37.  Birja oʻzining rasmiy veb-saytida birja obligatsiyalarini chiqarish natijalari toʻgʻrisidagi maʼlumotlarni oshkor qiladi, ularga quyidagilar kiradi:

birja obligatsiyalarini joylashtirishning boshlanish va tugash sanasi; birja obligatsiyalarini joylashtirishning haqiqiy bahosi (narxlari); nominal qiymati;

joylashtirilgan birja obligatsiyalarining nominal qiymati va soni. birja obligatsiyalarining soʻndirilganligi;

birja obligatsiyalari savdosining to‘xtatilganligi;

birja obligatsiyalarining bekor qilinganligi (sud tomonidan haqiqiy emas deb topilganligi);

birja obligatsiyalari joylashtiriluvining tiklanganligi;

birja obligatsiyalari chiqarilishlar (emissiyalar) soni (aniq jadval shaklda).

VII.  Birja obligatsiyalarining muomalasi

38.  Birja obligatsiyalarining birjada muomalasi “Bond Market” obligatsiyalar

bozorining quyidagi seksiyalarda amalga oshiriladi: asosiy seksiya – Main Board;

muzokara auksioni seksiyasi – Nego Board;

obligatsiyalar bilan repo operatsiyalari boʻlimi – Repo Board.

VIII.  Birja obligatsiyalarini soʻndirish va toʻlash tartibi

39.  Birja obligatsiyalari muddati tugagandan soʻng, ularni soʻndirish sanasida

emitent Markaziy depozitariydan birja obligatsiyalari egalarining reestrini soʻraydi.

40.  Obligatsiya egalarining reestrini olgandan soʻng, emitent yoki uning toʻlov agenti birja obligatsiyalari egalarining hisobvaraqlariga pul oʻtkazmalarini amalga oshiradi.

41.  Qimmatli qogʻozlar chiqarilishini qimmatli qogʻozlar reestridan chiqarish birja obligatsiyalarini chiqarishga (keyingi chiqarish) ilgari Birja tomonidan berilgan individual birja identifikatsiya raqamini bekor qilish yoʻli bilan amalga oshiriladi.

42.  Birja uch ish kuni davomida birja obligatsiyalari chiqarilishini bekor qilish va ularni birja obligatsiyalarini roʻyxatga olish reestridan chiqarish toʻgʻrisida Qimmatli qogʻozlar markaziy depozitariysiga xabar beradi.

IX.  Yakunlovchi qoidalar

43.  Ushbu Tartib Birjaning rasmiy veb-saytida eʼlon qilinganidan soʻng

kuchga kiradi.

44.  Ushbu Tartibga oʻzgartirish va qoʻshimchalar birja aʼzolarining, qimmatli qogʻozlar bozorini tartibga solish boʻyicha vakolatli davlat organining, shuningdek, birja boshqaruvi va kuzatuv kengashining tashabbusi bilan kiritilishi mumkin.

(kompaniya blankasida)

“Toshkent” RFBda birja obligatsiyalarini roʻyxatdan oʻtkazish, joylashtirish va muomalaga kiritish tartibiga 1-ILOVA

Birja obligatsiyalari boʻyicha Ofertani roʻyxatdan oʻtkazish va ularni “Toshkent” RFB birja kotirovkalari roʻyxatiga kiritish toʻgʻrisidagi

EMITENT ARIZASI

(emitent nomi)

birja          obligatsiyalari          boʻyicha          Ofertani         roʻyxatdan         oʻtkazish         va

                                                                              dona,     har      birining      nominal      (birja obligatsiyalarining umumiy soni)

qiymati                soʻmdan boʻlgan birja obligatsiyalarini “Toshkent” RFB birja

(nominal)

kotirovkalash varagʻiga kiritish toʻgʻrisidagi emitent vakolatli organining “               ”             y.

  - sonli qaroriga muvofiq Birja obligatsiyalari boʻyicha Ofertani roʻyhatdan oʻtkazish va birja kotirovkalash varagʻiga kiritish uchun hujjatlar taqdim etmoqda.

Arizaga quyidagi hujjatlar ilova qilinadi:

(ilova qilingan hujjatlar nomlari roʻyxati koʻrsatiladi)

EMITENT ARIZASIGA ILOVA QILINADIGAN OFERTANI ROʻYXATDAN OʻTKAZISH VA BIRJA KOTIROVKALASH VARAGʻIGA

KIRITISH UCHUN ILOVA QILINADIGAN HUJJATLAR

“Toshkent” RFBda birja obligatsiyalarini roʻyxatdan oʻtkazish, joylashtirish va muomalaga kiritish tartibiga

2-ILOVA

“Toshkent” Respublika fond birjasi (“Toshkent” RFB yoki “Birja”) va unga aloqador kompaniyalar, ularning tegishli direktorlari/rahbarlari, mansabdor shaxslari va xodimlari ushbu hujjatning mazmuni, shu jumladan, unga kiritilgan har qanday maʼlumot yoki bayonotlarning toʻgʻriligi hamda toʻliqligi uchun javobgar emaslar. Ushbu hujjat uchun javobgarlik hujjat emitenti va boshqa shaxslar, masalan, anderrayterlar hamda ekspertlarning fikri ularning roziligi bilan hujjatga kiritilgan.

Bundan tashqari, “Toshkent” RFB, uning direktorlari/rahbarlari, mansabdor shaxslari, xodimlari hujjatni oʻz ichiga olgan qimmatli qogʻozlarning biron bir investor yoki investor turiga yaroqliligini baholamadilar. Agar siz ushbu hujjatning mazmunini tushunmasangiz yoki qimmatli qogʻozlar sizning shaxsiy sharoitingizga mos kelishiga ishonchingiz komil boʻlmasa, vakolatli moliyaviy maslahatchiga murojaat qilishingiz kerak.

Birja ushbu qimmatli qogʻozlarni “Toshkent” RFB birja kotirovkalash varagʻiga kiritilishiga kafolat bermaydi. Birja, birja obligatsiyalarini “Toshkent” RFBning birja kotirovkalash varagʻiga kiritish huquqini oʻzida saqlab qoladi va agar ularni “Toshkent” RFB listing qoidalariga va “Toshkent” RFBda obligatsiyalarni roʻyxatdan oʻtkazish, joylashtirish va muomalaga kiritish tartibi”ga muvofiqligiga ishonch hosil qilgan taqdirdagina birja savdosiga ruxsat beradi.

(“Emitent nomi”)

Jami miqdori (summa va valyuta) gacha boʻlgan birja obligatsiyalari Dasturiga tegishli

OFERTA HUJJATI

Ushbu hujjat Oferta hujjati (“Oferta hujjati”)

Ushbu hujjat oferta hujjati (“Oferta hujjati”) boʻlib, u birja obligatsiyalari dasturi bilan birgalikda (dasturning maksimal hajmiga) va uning egalik dasturiga) (“dastur”) qadar tayyorlangan boʻlib, unga koʻra (emitent nomi) (“emitent”) vaqti-vaqti bilan birja obligatsiyalarini chiqarishi mumkin (“Qimmatli qogʻozlar”) investorlarga faqat birjaning ushbu tartibidagi taʼrifga muvofiq taklif etiladi.

Dastur doirasida chiqarilgan har bir qimmatli qogʻozlar seriyasi “transh” deb nomlanadi. Har bir transhning belgilangan muddati 365 kalendar kundan oshmaydi. Dastur bir xil yoki boshqa vaqt oraligʻida chiqarilgan bir yoki bir nechta transhlardan iborat boʻlishi mumkin. Har bir transh ushbu tegishli transh maqsadlari uchun ushbu Oferta hujjatini toʻldiradigan va ushbu taklif hujjati bilan birgalikda koʻrib chiqilishi kerak boʻlgan tegishli taklif shartlariga boʻysunadi. Shubhalarni oldini olish uchun ushbu Ofertada koʻrsatilgan shartlar dastur doirasida chiqarilgan har bir transhga nisbatan qoʻllaniladi hamda tegishli taklif shartlari bilan toʻldiriladi.

Oferta shartlarining shakli ushbu oferta hujjatiga A ilovada keltirilgan.

Ushbu Oferta hujjati (sana) da emitentning (vakolatli organi) tomonidan tasdiqlangan. Ushbu Oferta hujjati Emitent tomonidan Birja veb-saytida eʼlon qilingan. Har bir transh boʻyicha taklif shartlari mos ravishda birja veb-sayti orqali eʼlon qilinadi.

Ogohlantirishlar:

1.  Qimmatli qogʻozlarga investitsiya qilish toʻgʻrisidagi har qanday qaror taklif hujjatini koʻrib chiqish va investor tomonidan qimmatli qogʻozlarni sotib olish boʻyicha operatsiyalarni amalga oshirish bilan bogʻliq risklarni toʻliq tushunish va baholashga asoslangan boʻlishi kerak.

2.  Siz investitsiya qilingan mablagʻning toʻliq yoki bir qismini yoʻqotishingiz mumkin.

Javobgarlik toʻgʻrisidagi bayonnoma¹:

Oferta hujjati uning mazmuni uchun javobgar boʻlgan quyidagi shaxslar tomonidan tuziladi:

(Emitent nomi) ushbu Oferta xujjatiga nisbatan (● masʼul shaxs ismi)

Har bir bunday shaxs (ishning shunday boʻlishini taʼminlash uchun barcha oqilona saʼy-harakatlarni amalga oshirish orqali) Oferta hujjatining tegishli qismlarida mavjud boʻlgan maʼlumotlar, oʻzi bilganicha, faktlarga mos kelishini va Oferta hujjatida uning ahamiyatiga taʼsir qilishi mumkin boʻlgan maʼlumotlar yoʻqligini tasdiqlaydi.

1           1 Masʼuliyat toʻgʻrisidagi bayonnomada Oferta hujjati uchun masʼul shaxslarning rekvizitlari va xususan: (i) agar masʼul shaxs jismoniy shaxs boʻlsa, ushbu shaxsning ismi va vazifalari koʻrsatiladi; va (ii) masʼul shaxs vakolatli boshqaruv organi yoki boshqa yuridik shaxs boʻlsa, ushbu shaxsning nomi va joylashgan joyi hamda Oferta hujjatini tasdiqlagan vakolatli boshqaruv organi koʻrsatiladi.

A-Ilova

Oferta shartlari formasi

(Quyida Dastur doirasida chiqarilgan qimmatli qogʻozlarning har bir Transhi uchun toʻldiriladigan qimmatli qogʻozlarni taklif qilish shartlari formasi keltirilgan.) (“Emitent nomi”)

Oferta shartalari

Birja obligatsiyalari (qimmatli qogʻozni tasvirlang) sundirish muddati (●) (Birja tomonidan berilgan identifikatsion raqam: (●)

“Qimmatli qogʻoz”

Dastur doirasida yoki alohida chiqariluv bilan chiqarilgan Birja obligatsiyalari umumiy summasi (●) gacha

Ushbu transhning qimmatli qogʻozlari (emitent nomi) (“Emitent”) tomonidan Dastur doirasida va “Toshkent” RFBning birja kotirovkalari varagʻi va “Toshkent” RFBga birja obligatsiyalarini roʻyxatdan oʻtkazish, joylashtirish va muomalaga kiritish tartibi toʻgʻrisida” gi Nizomga muvofiq chiqarilgan. Bu yerda ishlatiladigan atamalar Oferta hujjatida (sana)koʻrsatilgan shartlar uchun hisoblanadi, vaqti-vaqti bilan (“Oferta hujjati”) oʻzgartirilishi mumkin. Ushbu hujjat qimmatli qogʻozlar taklifining yakuniy shartlarini (“Oferta shartlari”) aks ettiradi. Ushbu hujjat Oferta hujjati bilan birgalikda koʻrib chiqilishi kerak. Oferta shartlari va oferta hujjati emitent hamda birja veb-saytida eʼlon qilindi.

“Toshkent” Respublika fond birjasi (“Toshkent” RFB yoki “Birja”) va unga aloqador kompaniyalar, ularning tegishli direktorlari/rahbarlari, mansabdor shaxslari va xodimlari ushbu hujjatning mazmuni, shu jumladan, unga kiritilgan har qanday maʼlumot, bayonotlarning toʻgʻriligi yoki toʻliqligi uchun javobgar emaslar. Ushbu hujjat uchun javobgarlik hujjat emitenti va boshqa shaxslar, masalan, anderrayterlar hamda ekspertlarning fikri ularning roziligi bilan hujjatga kiritilgan. Bundan tashqari, “Toshkent” RFB, uning direktorlari/rahbarlari, mansabdor shaxslari yoki xodimlari hujjatni oʻz ichiga olgan qimmatli qogʻozlarning biron bir investor yoki investor turiga yaroqliligini baholamadilar. Agar siz ushbu hujjatning mazmunini tushunmasangiz yoki qimmatli qogʻozlar sizning shaxsiy sharoitingizga mos kelishiga ishonchingiz komil boʻlmasa, vakolatli moliyaviy maslahatchiga murojaat qilishingiz kerak.

Birja ushbu qimmatli qogʻozlarni “Toshkent” RFB birja kotirovkalash varagʻiga kiritilishiga kafolat bermaydi. Birja, birja obligatsiyalarini “Toshkent” RFBning birja kotirovkalari varagʻiga kiritish huquqini oʻzida saqlab qoladi va agar ular “Toshkent” RFB listing qoidalariga, “Toshkent” RFBda obligatsiyalarni roʻyxatdan oʻtkazish, joylashtirish va muomalaga kiritish Tartibi”ga muvofiqligiga ishonch hosil qilgan taqdirdagina birja savdosiga ruxsat beradi.

Emitent qoʻyidagilarni taqdim etadi va kafolatlaydi, chiqarilish sanasida (quyida tavsiflanganidek):

emitent “Toshkent” RFB birja kotirovkalash varagʻi toʻgʻrisida”gi Nizom va “Toshkent” RFBda birja obligatsiyalarini roʻyxatdan oʻtkazish, joylashtirish va muomalaga kiritish Tartibi” talablariga toʻliq rioya qilishini;

qimmatli qogʻozlarning umumiy qiymati Dasturning umumiy miqdoridan oshmasligini.

Oferta hujjatida belgilangan terminlar, agar ular ushbu hujjatda aniq belgilanmagan boʻlsa, ushbu Oferta shartlari uchun bir xil maʼnoga ega.

“Toshkent” RFBda birja obligatsiyalarini roʻyxatdan oʻtkazish, joylashtirish va muomalada boʻlish tartibiga 3-ILOVA

LISTING TALABLARI

“Bond Market” obligatsiyalar bozori “Birja obligatsiyalari”

“Toshkent” RFBda birja obligatsiyalarini roʻyxatdan oʻtkazish, joylashtirish va muomalada boʻlish tartibiga 4-ILOVA

Birja obligatsiyalarini ro‘yxatga olish jurnali

X1       tashkilot STIR raqami

X2       birja obligatsiyasini chiqaruvchi emitent nomi

X3       Birjaning masʼul boʻlimi tomonidan belgilangan birja obligatsiyalari chiqarilishini

ro‘yxatdan oʻtkazish sanasi va raqami

X4       qimmatli qogʻozni noyob tarzda identifikatsiya qiluvchi 12 xonali harf va raqamli kod X5            birja obligatsiyalarini chiqarishda emitent tomonidan belgilanadigan bitta obligatsiyaning nominal qiymati

X6       kupon foizi (kupon foizli birja obligatsiyalari uchun)

X7       muomalaga chiqarilgan birja obligatsiyalarining umumiy soni

X8       birja obligatsiyalarini chiqarishning umumiy hajmi (X5 x X7)

Identifikatsiya raqami Y1, Y2, Y3 – birjaning qisqartirilgan nomini

Y1 – R Y2 – S Y3 – E

Y4, Y5, Y6, Y7 – emitent ID sning oxirgi 4 raqami

Y8 – faoliyat sohasi

I – Soha

A – Agrosanoat majmuasi

C – Qurilish sektori

S – Ijtimoiy soha

T – Transport

B – Moliya va savdo sektori

O – Boshqa sektorlar

Y9, Y10 – qimmatli qogʻozlar chiqarilishining seriya raqami

Y11 – qimmatli qogʻoz turi

S – Kupon koʻrinishidagi birja obligatsiyalari

D – Diskontlangan birja obligatsiyalari

Y12, Y13, Y14 – birja tomonidan roʻyxatga olingan seriya raqami

Y15 – amal qilish mudati

0  – bir yildan kam

1  – yil

“Toshkent” RFBda birja obligatsiyalarini roʻyxatdan oʻtkazish, joylashtirish va muomalada boʻlish tartibiga 5-ILOVA

(kompaniya blankasida)

Birja obligatsiyalarning muomala muddati tugaganligi toʻgʻrisidagi

BILDIRISHNOMA

                                                                                                                          , manzil boʻyicha joylashgan:                                                                  birja obligatsiyalari

(emitentning toʻliq nomi)

chiqarilishi toʻgʻrisidagi qaror (                                    yil, roʻyxat raqami               ) birja obligatsiyalari dasturiga tegishli Oferta hujjatiga/ Oferta shartlari formasi asosida chiqarilgan

                                                     birja obligatsiyalarning

(haqiqatda joylashtirish tugagan sana)

              dona yoki           foizi toʻliq (qisman) jamiyat tomonidan soʻndirilganligini (sotib olinganligini) maʼlum qiladi.

1.  Birja obligatsiyalarni toʻliq soʻndirishda nominal qiymatini toʻlovini amalga oshirish sanasi (toʻliq soʻndirilgan holatda):                                                        ;

2.  Xarid qilingan obligatsiyalar (muddatidan oldin qaytarib sotib olinganda) boʻyicha amalga oshirilgan oxirgi toʻlovning sanasi:                                     .

3.  mitent depo hisobvaragʻiga obligatsiyalarni oxirgi oʻtkazish sanasi:                             .

Birja obligatsiyalari Dasturiga tegishli Oferta hujjatiga/ Oferta shartlari formasi (        y. roʻyxat raqami       -sonli) ga asosan                                                          

(emitent nomi)

                                                                                                      . chiqarilgan

(birja obligatsiyasi koʻrinishi, nominal qiymati va soni)

Birja obligatsiyalari Dasturiga tegishli Oferta hujjati/ Oferta shartlari formasi (        y. roʻyxat raqami       -sonli) ga asosan obligatsiyalarni soʻndirish tugagan sana (muddat):

                                          .

“Toshkent” RFBda birja obligatsiyalarini roʻyxatdan oʻtkazish, joylashtirish va muomalada boʻlish tartibiga 6-ILOVA

(kompaniya blankasida)

Avval roʻyxatdan oʻtkazilgan Birja obligatsiyalari Dasturiga tegishli Oferta hujjatiga/ Oferta shartlari formasiga kiritilgan oʻzgartirishlar va (yoki) qoʻshimchalarni roʻyxatidan oʻtkazishga

ARIZA

                                                                                      manzil boʻyicha joylashgan:

                                                          , avvalgi roʻyxatdan oʻtkazilgan birja obligatsiyalari (emitentning toʻliq nomi)

Dasturiga     tegishli     Oferta     hujjatiga/     Oferta     shartlari     formasiga     oʻzgartirishlarni

                                                     roʻyxatidan oʻtkazishingizni soʻraydi. (roʻyxatidan oʻtkazilgan sanasi va raqami)

Avvalgi roʻyxatdan oʻtkazilgan Ofertaga oʻzgartirishlar                                                    

                           sababli kiritilmoqda.

(birja obligatsiyalari chiqarilish Ofertasiga oʻzgartirishlar kiritishning sababi koʻrsatiladi)