“Тошкент” РФБ xафталик хабарлари.

Жорий йилнинг 24-28 июнь кунлари “Тошкент” Республика фонд биржаси савдоларида 24 та акциядорлик жамиятининг қимматли қоғозлари билан 377 та битим қайд қилинди. Хафта давомидаги савдолар натижасида 416,65 млн. дона корпоратив  қимматли қоғозлар билан жами 16,35 млрд. сўмлик битимлар амалга оширилди.

Хафта давомида амалга оширилган битимларнинг аксарият қисмини акциядорлик жамиятларининг оддий акциялари билан тузилган битимлар ташкил этади (333 битим). Имтиёзли акциялар билан эса 9 та акциядорлик жамиятининг 2,85 млн. дона имтиёзли акциялари билан 20,69 млн. сўмлик 44 та битим амалга оширилди ва бу хафта давомида тузилган битимлар сонининг 11,7 фоизини, савдо ҳажми бўйича эса умумий ҳафталик савдо айланмасининг 0,13 фоизини ташкил этди. Таъкидлаш жоизки, "Yangiyo'l yog'-moy" АЖ имтиёзли акциялари билан тузилган 507 минг сўмлик 1 та битимни ҳисобга олмаганда, хафта давомида имтиёзли акциялар билан тузилган битимларнинг барчаси жисмоний шахслар томонидан амалга оширилган.

Ҳисобот даврида (24-28 июнь) банклар секторига мансуб жамиятлар қимматли қоғозлари билан тузилган битимлар “Тошкент” РФБ савдо айланмаси ҳажмининг энг катта қисмини, аниқроқ айтганда 96,3 фоизини ташкил қилди. Савдоларда 5 та аскциядорлик тижорат банклари қатнашган бўлсада, банклар кесимида хафталик савдо айланмаси ҳажмининг 96,1 фоизини, умумий ҳафталик савдо айланмаси ҳажниминг эса 92,5 фоизини "Hamkorbank" АТБ нинг 2,49 минг дона имтиёзли ва 409,03 млн. дона оддий акциялари билан тузилган 15,13 млрд. сўмлик 30 та битим ташкил этди.

Тижорат банклариниг "Тошкент" РФБ савдоларида хафта давомида қатнашган қимматли қоғозлари

Қуйидаги диаграммада "Hamkorbank" АТБ акциялари билан ўтказилган савдолар биржа савдо кунлари бўйича батафсил акс эттирилган.

 Ҳафталик савдо айланмаси ҳажмининг қолган асосий қисмини  агро-саноат мажмуасига мансуб (умумий ҳафталик савдо айланмаси ҳажмининг 1,4 фоизи) ва қурилиш тармоғига мансуб (1,66 фоиз) акциядорлик жамиятларининг қимматли қоғозлари билан тузилган битимлар ташкил этди.

Ҳисобот даврида инвесторлар тоифасига кўра битимлар сони бўйича жисмоний шахсларнинг фаоллиги кузатилиб, фонд биржаси савдоларида тузилган битимларнинг 79,0 фоизи (298 та битим) улар ҳиссасига тўғри келди. Савдо ҳажми бўйича эса, юридик шахслар ҳиссасига фонд биржаси ҳафталик савдо айланмасининг 79 фоизи (16,15 млрд сўм) тўғри келганлигини кузатиш мумкин.

Шунингдек, ҳисобот даврида фонд биржасида республикамизнинг 8 та ҳудудида жойлашган акциядорлик жамиятларининг қимматли қоғозлари билан савдо битимлари имзоланди. 

Йил бошидан буён “Тошкент” Республика фонд биржасида 81 та акциядорлик жамиятининг корпоратив қимматли қоғозлари билан умумий қиймати  144,75 млрд.  сўм бўлган 17 755 та савдо битими қайд қилинди.