2016 йилнинг 9 - 13 январь кунлари «Тошкент» Республика фонд биржаси савдоларида 10 та акциядорлик жамиятининг қимматли қоғозлари билан 30 та битим қайд қилиниб, 138,4 минг дона акция 177,8 млн. сўмга сотилди.

Энг йирик битим 13 январь санасида «O'zkimyopolimersavdo» АЖнинг 29,3 минг дона акцияси билан 69,7 млн. сўм миқдорида тузилди.

Ҳафта давомида савдо айланмаси ҳажми юқори бўлган эмитентларни «О'zkimyopolimersavdo» АЖ (ҳафталик савдо айланмасининг – 39,2 фоизи), «Marg''ilon Fayz savdo kompleksi» АЖ (32,4 фоиз), «Qizilqumsement» АЖ (24,5 фоиз), «Hamkorbank» АТБ (1,9 фоиз) ва «Agrobank» АТБ (0,6 фоиз) ташкил этди. Бу ҳафталик савдо айланмасининг 98,7 фоизини ташкил этади.

Ўтган ҳафта фонд биржасида республикамизнинг 4 та ҳудудида жойлашган листинг компаниялари қимматли қоғозлари билан савдо битимлари имзоланди. Биржа битимларининг энг юқори ҳажми Тошкент шаҳри (41,1 фоиз) ва Фарғона вилоятидаги (32,4 фоиз) акциядорлик жамиятлари ҳисобига тўғри келди.

Фонд биржасида йил бошидан буён 250,6 млн. сўмлик 50 та савдо битими қайд қилинди. Ушбу даврда биржа савдоларида 14 та эмитентнинг 198,4 млн. дона қимматли қоғозлари сотилган.