О компании

«Учқўрғон-ёғ» АЖ акциядорларининг навбатдан ташқари умумий йиғилиши ўтказилиши тўғрисида хабарнома

ҲУРМАТЛИ АКЦИЯДОРЛАР!

«Учқўрғон-ёғ» акциядорлик жамияти Кузатув кенгашининг 2020 йил 10 октябрдаги қарорига асосан Жамият акциядорларининг навбатдан ташқари умумий йиғилиши 2020 йил 09 ноябрь куни, Тошкент шаҳар, Ш.Руставели кўчаси, 8А-уйда жойлашган «Ёғ-мой саноати корхоналари» уюшмаси мажлислар залида ўтказилади.

Йиғилиш соат 17:00 да бошланади. Акциядорларни руйхатга олиш соат 16:00 дан бошланади. Акциядорларни руйхатга олиш соат 16:50 да тугатилади Умумий йиғилиш ўтказиш учун жамият акциядорлари реестри 2020 йил 03 ноябрь ҳолатига тузилади.

Электрон почта манзили: uchqurgonyog@inbox.uz.

Йиғилиш кун тартиби:

1.    «Учқўрғон-ёғ» акциядорлик жамияти саноқ комиссияси аъзолари таркибини тасдиқлаш тўғрисида;

2. «Учқўрғон-ёғ» акциядорлик жамияти ижроия органининг 2020 йил 07 октябрдаги 302-сонли таклифи ва «Integral Invest» МЧЖ ҚК нинг 2020 йил 16 сентябрдаги II-171-сонли инвестиция таклифини кўриб чиқиш;

3. «Учқўрғон-ёғ» акциядорлик жамияти устав фондини қўшимча оддий акциялар чиқариш йўли билан кўпайтириш тўғрисида;

4.       «Учқўрғон-ёғ» акциядорлик жамияти қўшимча оддий акцияларининг жойлаштириш нархини белгилаш тўғрисида;

5. «Учқўрғон-ёғ» акциядорлик жамиятининг қўшимча оддий акцияларини чиқариш тўғрисидаги қарорни тасдиқлаш тўғрисида.

Акциядорларнинг умумий йиғилишида қатнашиш ва овоз бериш учун, акциядорларда шаҳсни тасдиқловчи хужжат, акциядорлар вакилларида эса қонунчиликда белгиланган тартибда расмийлаштирилган ишончнома бўлиши лозим.

Акциядорлар умумий йиғилишда кўриб чиқиладиган масалалар бўйича маълумот ва материаллар билан Наманган вилояти, Учқўрғон шаҳри, Қурбоналиев кўчаси, 2-уйда жойлашган «Учқўрғон-ёғ» АЖда ушбу эълон берилган кундан бошлаб йиғилиш ўтказиладиган кунга қадар  соат 10:00 дан 17:00 гача танишишлари мумкин.

Телефон: (998 95) 303-88-23  

Кузатув кенгаши

М У С Т А Қ И Л   Б А Ҳ О Л О В Ч И   Т А Ш К И Л О Т Л А Р  

Д И Қ Қ АТ И Г А

«Учқўрғон-ёғ» акциядорлик жамияти Кузатув кенгашининг 2020 йил 10 октябрдаги қарорига асосан «Mulk Farux Dav» МЧЖ мустақил баҳоловчи ташкилотининг 2020 йил 15 сентябрда 456УБ-01-сонли «Integral Invest» МЧЖ ҚКга тегишли ускунани баҳолаш тўғрисидаги ҳисоботини экспертиза қилиш бўйича баҳоловчи ташкилотлар ўртасида танлов эълон қилади.

Танловда иштирок этиш учун мустақил баҳоловчи ташкилотлар жамиятга қуйидаги ҳужжатларни тақдим қилиши лозим:

- Баҳолаш фаолиятини амалга ошириш ҳуқуқини берувчи лицензия нусхаси;

- Ташкилотнинг давлат рўйхатидан ўтказилганлиги тўғрисидаги гувоҳнома нусхаси;

- Баҳолаш ҳамда экспертиза ишининг бажарилиш муддати ва хизмат хақи миқдори кўрсатилган тижорат таклифи;

- Баҳоланган корхоналар рўйхати;

- Баҳоловчи ташкилотлар уюшмасига ёки Баҳоловчилар жамиятига аъзолиги тўғрисида гувоҳнома нусхаси;

- Лицензияловчи орган томонидан берилган баҳолаш ташкилоти раҳбари ва баҳоловчиларнинг малака сертификатинусхаси.

Тақдим этиладиган ҳужжатлар нусхалари тикилган ҳолда ташкилотнинг асосий муҳри билан тасдиқланган бўлиши шарт.

Тижорат таклифларини 2020 йил 29 октябрга қадар қуйидаги манзилга юборишингиз сўралади:

Наманган вилояти, Учқўрғон шаҳри, Қурбоналиев кўчаси, 2-уйда жойлашган «Учқўрғон-ёғ» акциядорлик жамияти.

Маълумот учун телефонлар:(998 95) 303-88-23